Олимпийн аварга, дэлхийн хошой аварга, АНУ-ын нэрт уулын цаначин Линдси Вонн эрэгтэй тамирчидтай өрсөлдөх зөвшөөрлийг Олон Улсын Цанын Спортын Холбооноос хүсчээ. Тэрбээр АНУ-ын Лейк Луизад болох эрэгтэйчүүдийн уулын цанын хурдтай буултын тэмцээнд оролцохыг хүсч буй ажээ. Тус хүсэлтийг өнөөдөр ОУЦСХ хэлэлцэж, шийдэх юм байна.
"Би шинэ сорилтыг хүсч байна. Эрэгтэй тамирчидтай хамт бэлтгэл хийж болдог хэрнээ яагаад тэдэнтэй тэмцээнд өрсөлдөж болдоггүй юм бэ? Эмэгтэйчүүдийн олон тэмцээнд би түрүүлсэн. Одоо дараагийн шатанд гарч өрсөлдмөөр байна. Өөрийгөө бүрэн дайчлан тэр түвшинд би өрсөлдөхийг хүснэ" хэмээн 32 настай тамирчин бүсгүй Линдси Вонн өгүүлжээ.
2012 онд Линдси Вонн ийм саналыг тавьж байсан ч татгалзсан хариулт сонсож байжээ.
М.Болджин
Сэтгэгдэл (0)
Сэтгэгдэл бичигдээгүй байна