ДЭЛХИЙН УР ЧАДВАРЫН ТЭМЦЭЭН ӨНӨӨДӨР ДҮНГЭЭ ГАРГАНА


Дэлхийн ур чадварын 44 дэх тэмцээн Арабын нэгдсэн Эмират улсын Абу Даби хотноо гурав дахь өдрөө үргэлжиллээ. Манай улс 2015 онд есөн мэргэжлээр анх удаа оролцож байсан бол энэ удаад мужаан, өрөг угсралт, гагнуур, цахилгаан, тогооч, сантехник гэсэн зургаан төрлөөр оролцож байгаа билээ. Гагнуурын төрөлд оролцогч Ж.Жанлав-Ойдов даралтат сав гагнах хамгийн хүнд даалгаврыг амжилттай гүйцэтгэлээ. Энэхүү даралтат савыг 60 хүртэлх баарын хүчээр ус шахаж шалгадаг. Эксперт багш С.Батсайханы өгүүлснээр "Савны битүүмж сайн байх ёстой. Гагнуурын дөрвөн төрөл бүгд ордог хүнд даалгавар учир арав орчим цаг гагнадаг юм" гэлээ. Гагнуурын төрөлд 34 орон оролцож байгаа бөгөөд Өмнөд Солонгос, Япон, БНХАУ-ын оролцогчид бэлтгэл сайтай байгаа аж. "Энэ гурван орон медалийн төлөө өрсөлдөх байх гэж харж байна. Гэхдээ манай оролцогч бас сайн оролцож байгаа" эксперт багш хэллээ.

Цахилгааны төрөлд оролцогч Л.Төгөлдөр гурав дахь өдөр угсралтаа дуусгалаа. Тэрбээр эхний өдрийн угсралтын ажил гүйцэтгэжээ. Хоёр дахь өдөр гэмтэл хайх даалгавар гүйцэтгэсэн талаар түүний эксперт багш Б.Эрдэнэ "Цахилгааны төрөлд 36 орон оролцож байна. Эхний өдөр бид нар угсралтын ажлаа эхэлсэн. Хоёр дахь өдөр гэмтэл олгох даалгавар гүйцэтгэсэн. Энэ даалгаврыг манай оролцогч бусад орны хүүхдүүдтэй харьцуулахад сайн гүйцэтгэж арван оноо авахаас долоог авсан. Угсралтын ажил гурав дахь өдрөө дуусна. Дөрөв дэх буюу тэмцээний сүүлийн өдөр өмнөх өдрийн угсралтаа шалгаад, программчлалын даалгавар руугаа орох ёстой. Хоёр төрлийн программчлалын даалгавар ирсэн. Энэ хоёр программчлалыг өөрийн угсарсан хэсэг рүү шарж оруулж туршсанаар даалгавар бүхэлдээ дуусах ёстой" хэмээсэн юм. Харин өрөг угсралтын оролцогч Ц.Мягмарсүрэнгийн эксперт багш Л.Эрдэнэчулуунтай уулзахад "Оролцогч маань даалгавраа хугацааны дагуу гүйцэтгэж байна. Хоёр дахь даалгаврыг гүйцэтгэсний дараа эхний даалгаврын хоёрдугаар хэсгийг өрөх байсан. Тэр өрлөгөө зургийн дагуу хийж байна. Гуравдугаар даалгавар нь Эмиратын сүлд шонхор шувуу байгаа. Үүнийг тэмцээний сүүлийн өдөр өрнө" хэмээлээ. Сантехникийн оролцогч Ц.Долгормаад нарны үүсгүүрээр хүйтэн ус халаах систем суурилуулах даалгавар ирсэн. Энэ ажил гурав дахь өдрөө үргэлжиллээ. Түүний даалгаврын талаар эксперт багш С.Батаа "Эхний өдөр нарны үүсгүүрийн дэлгэцийг савтай нь холбох ажил гүйцэтгэж эхэлсэн. Усаа шахаад даралтаа шахаж үзсэн. Хоёр дахь өдөр зуух болон тухайн нарны эх үүсвэртэй холбох ажил хийлээ. Гурав дахь өдөр хийн системийн угсралт хийж байна. Үүнийг дуусгаад хуванцар хоолойн гагнуурын ажил хийх ёстой" гэсэн юм. Тогоочийн төрөлд оролцогч Б.Дагвасүрэнгийн хувьд гурав дахь өдөр загасаар хоол хийх хамгийн хүнд даалгавраа амжилттай давлаа. Өмнөх хоёр өдрийн даалгавраа амжилттай давсандаа эксперт багш Г.Мөнгөндолгио ч сэтгэл хангалуун байсан. Мужааны төрөлд оролцогч Н.Эрдэнэмөнх хоёр дахь өдөр Дубайн дарвуул хэлбэрт цамхагийн 2D ажлыг гүйцэтгэн цагтаа амжиж хүлээлгэн өгсөн. Харин гурав дахь өдрөө 3D индрийн хийцийг гүйцэтгэж эхэллээ. Энэхүү ажлыг нийт 11 цаг гүйцэтгэж, тэмцээний сүүлийн өдөр дуусгаж үнэлгээгээ авах учиртай. 2019 оны Дэлхийн ур чадварын тэмцээн ОХУ-ын Казань хотод зохион байгуулагдана. 2021 оны эрхийг БНХАУ-ын Шанхай хот авсныг саяхан албан ёсоор зарлаж баталгаажуулсан. Монгол улс 2019 болон 2021 онуудад хичнээн мэргэжлээр өрсөлдөх вэ гэдэг асуудал сонирхолтой байгаа.


Энэ талаар ХНХЯ-ны МБСХ-ийн дарга, Монгол Улсын багийн ахлагч А.Халиунаа: "Дэлхийн ур чадварын тэмцээн 51 мэргэжлээр явагддаг. Бидэнд оролцох олон мэргэжил боломж байгаа нь ойлгомжтой. Жишээ нь бид механтроникчийн төрлөөр оролцох боломжтой болж байгаа. Энэ мэргэжлийн лаборатори ангийг нээхийн тулд бид нар 2010 оноос хойш судалж үзсэний үр дүнд энэ жил Дархан-Уул аймгийн Уул уурхайн коллеж дээр нээсэн. Энэ бол мэргэжлийн суурь нь цахилгаан. Бүх үйлдвэрт ашигладаг, үйлдвэрийн автоматжуулалт гэж ойлгож болно. Хүнс, уул уурхай, эрчим хүч гээд бүхий л үйлдвэрт ашиглагдаж, боловсон хүчний хувьд сүүлийн үед эрэлттэй болоод байгаа. 2019 оны Казанийн тэмцээнд оролцогч бэлдэж оролцож арай чадахгүй байх. 2021 оны Шанхайн тэмцээнд мехатроник мэргэжлээр оролцуулах зорилго тавьсан. Ер нь Монгол улс Дэлхийн ур чадварын тэмцээнд аль болох оролцох мэргэжлийн тоог нэмэгдүүлэх бодлого баримтлан ажиллаж байна" гэлээ. АНЭУ-ын Абу Даби хотод зохион байгуулагдаж байгаа 44 дэх удаагийн Дэлхийн ур чадварын тэмцээнд 77 орны 1300 оролцогч, 51 мэргэжлээр ур чадвараа сорьж байна. Тэмцээний дүн өнөөдөр орой гарна.


0
angry
0
care
0
haha
0
liked
0
love
0
sad
0
wow

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ
Ц.Цэрэнпунцаг: Надаар манай нам дутахгүй ч эхлүүлсэн том ажлуудаа гүйцээх хүсэл байна 6 цагийн өмнө
​Б.Баярсайхан: Намайг төрд хэрэгтэй гэвэл би нэр дэвшинэ 8 цагийн өмнө
Бага тойруугийн 30 гаруй байршилд өдрийн цагаар зогсоол хамгийн эрэлттэй байна 8 цагийн өмнө
Сэлэнгэ аймгийн ОБГ: Ц.Гансүхийг хайхад бэлэн байгаа ч уул руу цас их тул хайлт үр дүнгүй байх эрсдэлтэй байна 8 цагийн өмнө
Маргааш нийслэлийн зургаан дүүрэг болон Төв аймгийн зарим байршилд цахилгаан хязгаарлана 9 цагийн өмнө
Дөрөвдүгээр сард зохион байгуулагдах хүчит бөхийн барилдааны хуваарь 9 цагийн өмнө
Хүүхдийн паркт амьтны хүрээлэн ажиллаж байна 9 цагийн өмнө
ЭМЯ: Ямар ч лоббид өртөхгүй электрон тамхины хуулийг оруулна, олон нийтийн газар татахыг хориглоно 10 цагийн өмнө
Б.Чойжилсүрэн: 10 хүн угаартаж нас барсан байна лээ, хариуцаж байгаа хүнээс нь очоод асуучих 12 цагийн өмнө
Өнөөдөр цахилгааны хязгаарлалт хийх байршлууд 14 цагийн өмнө
Цасан шуурганаар сураггүй болсон хоёр иргэнийг хайж байна 15 цагийн өмнө
Орон даяар 16:00 цагт гамшгийн аюулын зарлан мэдээллийн дохио дуугарна 15 цагийн өмнө
ЦАГ АГААР: Зүүн аймгуудын нутгийн зүүн хэсгээр цас орж, цасан шуурга шуурна 15 цагийн өмнө
Танилц: ЗГ-ын хуралдаанаар гаргасан шийдвэрүүд Өчигдөр
Даланзадгад-Мандалговь, Цогтцэций-Мандалговь чиглэлд гарах хөдөлгөөнийг​ хязгаарлалаа Өчигдөр
"Утсаар ярьчихаад ирье" гээд гарсан 33 настай залуу алга болоод таван сар болж байна Өчигдөр
С.Чинзориг: "Д" вирустэй иргэдийн интерпирон эмийг оруулж ирэхээр хэлэлцээр хийсэн Өчигдөр
Н.Учрал: И-Монгол систем дээр эмийн жор бичих боломжтой боллоо Өчигдөр
ОБЕГ: Улаанбаатарын 976 барилгын 206 нь газар хөдлөлтөд тэсвэртэй Өчигдөр
Дундговьд 3.8 магнитудын хүчтэй газар хөдөллөө Өчигдөр