Сэтгүүлч Л.Мөнхбаясгалангийн бэлтгэн хүргэдэг "Цензургүй ярилцлага" нэвтрүүлгийн энэ долоо хоногийн зочноор ТЕГ-ын дарга асан Б.Хурц оролцсон. Тэрээр УИХ-ын гишүүн Ж.Батзандантай холбоотой хэд, хэдэн ноцтой баримтыг дэлгэсэн юм. Харин Ж.Батзандан түүний яриаг ийнхүү үгүйсгэсэн байна.
Б.ХУРЦ: Ж.БАТЗАНДАН АШИГ СОНИРХОЛЫН ЗӨРЧИЛТЭЙ УЧРААС НАД РУУ ДАЙРААД БАЙГАА ЮМ
Үгүй шдээ. Надад ямар хэрэгтэй юм. Но-той хүмүүс л нууцтай болохоос. Хууль бус юм хийж байсан гурван гишүүн л орилоод байгаа шд. Хиймлээр намайг муухай харагдуулаад байгаа юм. Өөр хийх ажил байхгүй биш дээ. Ж.Батзандан гишүүний Төрийн өмчийн хороонд байсан нэг ах, Төрийн нарийн бичгийн дарга байсан нэг ах АТГ-т шалгагдсан. Ийм ашиг сонирхлын зөрчилтэй учраас л над руу дайраад байхгүй юу.
Ж.БАТЗАНДАН: МИНИЙ АХЫГ АТГ-ЫН ҮҮДЭНД БҮТЭН ӨДӨР СУУЛГАСАН ЮМ БИЛЭЭ
Манай цензуртэй байгууллагын дарга цензургүй ярианд орохдоо хэд хэдэн ноцтой, "но"-той худал гүтгэлэг тараалаа. Ж.Батзандангийн нэг ах Болгарт нэг сая ам.доллар шилжүүлсэн нь тогтоогдлоо гэсэн. Гэтэл би шалгаж үзлээ. Тийм зүйл алга. Өнгөрсөн жил "Эрдэнэт" үйлдвэрийн 49 хувь яригдаж, түүнийг нь Б.Хурц хамгаалж үлдэхийн тулд ордоноор сандарч гүйсэн.
Тэр хүн "Энэ бол зөв зүйл болсон. Та дуугүй байгаач, Ц.Нямдоржоос хол байгаач" гэж явж байхдаа миний ахыг АТГ-ын үүдэнд бүтэн өдөр суулгасан юм билээ. Төрийн өмчийн хороонд ажиллаж байсан нэг ах нь нэг өрөө байр булааж авсан гэж ярилаа. Төрийн өмчийн хороонд миний ах 1990 хэдэн онд ажиллаж байснаас өөр асуудал алга.
Тийм хэрэг ч байхгүй юм билээ. Ж.Батзанданг бөлдөгдсөн гэдэг нь энэ бололтой. Улаан цайм хүн гүтгэдэг нэг генералтай боллоо. Генерал Б.Хурц улстөрчдийг айлгадаг, хувийн архивтай баахан гэмт хэргийн материал цуглуулчихаад түүнийгээ Солонгос руу авч явахыг хүссэн бололтой.
Сэтгэгдэл (0)
Сэтгэгдэл бичигдээгүй байна