Их Британийн сургуулийн өмнөх насны хүүхдийн боловсролд зориулсан "Peppa Pig" анимэйшн нь дэлхийн 180 оронд цацагдаж, дөрвөн удаа кино наадмаас шагнал хүртсэн алдартай бүтээл юм. Уг хүүхэлдэйн кино нь хүүхдүүдэд зөв хооллох, дасгал хөдөлгөөн хийх, замын хөдөлгөөнд аюулгүй оролцох зөвлөмжийг хүргэж, үзэгчдийн талархал хүлээжээ.
Гэтэл тус хүүхэлдэйн киноны эмчийн дүр болох Браун баавгайн үйлдлүүд бодит байдлаас тэс зөрүүтэй болохыг доктор Кэтрин Белл шүүмжилж байна. Жишээлбэл, гурван настай торойн нүүрэн дээр юм туурахад Браун баавгай гэрт нь шууд хүрч ирээд хурдан эдгээхийн тулд өндөр тунгаар эм бичиж өгч буй нь буруу үйлдэл ажээ.
Браун баавгай хүүхдүүдийг ханиад хүрэх төдийд гэрт нь очиж эмчилдэг. Гэтэл бодит амьдрал дээр тийм шаардлага байхгүй. Тиймээс хүүхэлдэйг үзсэн хүмүүс эмнэлгийн байгууллагаас хэтэрхий их хүлээлттэй үлдэж байна гэжээ.
Үүнээс гадна Пеппа торой дүү Жеоржид "Чи жаахан болохоор үүнийг хийж чадахгүй" гэж байнга хэлж, хамт тоглохоос зугтаж буй нь хүүхдүүдэд буруу үлгэр дууриал үзүүлж байгаа ажээ. Мөн хүүхдүүд Жеорж, Пеппа нарыг дууриан байнга шоколадтай бялуу нэхэж, худлаа уйлдаг гэж эцэг эхчүүд шүүмжилсэн байна.
Сэтгэгдэл (0)
Сэтгэгдэл бичигдээгүй байна