27 настай Стефани Браун бүсгүйн гунигт түүх Их Британичуудын сэтгэлийг эмзэглүүлж байна. Түүний хүү Оскар 2010 онд таалал төгссөнөөс хойш бүсгүй долоо хоног бүр Норвич хотын оршуулгын газар ирдэг болжээ. Энэ Зул сарын баяраар хүүгийнхээ булшин дээр 2 метр орчим өндөр гацуур засаж, тоглоом, цэцгээр дүүргэсэн байна.
Стефани бүсгүй Оскар хүүгээ алдсанаас хойш Ола хэмээх хөөрхөн охинтой болж, одоо удахгүй дахин нярайлах гэж байгаа ажээ. Хөл хүнд бүсгүйн энэ үйлдлийг харсан хөршүүд нь түүнийг ихэд өрөвддөг гэнэ. Харин хотын захиргаанд оршуулгын газар гацуур засаж, хог овоолж буй нь зохимжгүй үйлдэл гэсэн гомдол иргэдээс ирсэн байна.
Стефани энэ талаар "Би Оскарынхаа төлөө үүнээс өөр юу ч хийж чадахгүй. Бидэнтэй хамт баярлаад бэлгээ задалж чадахгүй учраас булшийг нь сайхан харагдуулахыг хүссэн юм. Би байнга цэвэрхэн байлгадаг. Бүтэн жилд ганц удаа шүү дээ" хэмээн тайлбарлажээ.
Сэтгэгдэл (0)
Сэтгэгдэл бичигдээгүй байна