Б.ХУРЦЫН АСУУДЛААР НАЙМАН ИРГЭНИЙ ГОМДЛЫГ СУДАЛЖ БАЙНА
ТЕГ-ын дарга асан Б.Хурцыг БНСУ-д Элчин сайдаар томилох асуудлыг УИХ хэлэлцэж байгаа. Б.Хурцын асуудлаар томилгооны сонсгол явуулах саналыг Ж.Батзандан нарын нэр бүхий 20 гишүүн УИХ-ын даргад өргөн барьсан. Аюулгүй байдал, гадаад бодлогын байнгын хорооноос уг асуудлаар хуралдсан ажлын хэсгийн дүгнэлтийг сонсоод, Тусгай хяналтын дэд хороо болон Өргөдлийн байнгын хороонд шилжүүлсэн билээ. Харин өчигдөр Өргөдлийн байнгын хорооны хуралдаанаар Б.Хурцтай холбоотой өргөдлийг хэлэлцэх байсан боловч хойшиллоо. Харин өргөдлийн байнгын хороонд Б.Хурцтай холбогдуулан найман иргэн гомдол гаргажээ. Аюулгүй байдал, гадаад бодлогын байнгын хорооноос Б.Хурцтай холбоотой асуудлаар иргэдээс ирүүлсэн өргөдлийг өргөдлийн байнгын хороогоор шийдүүлэхээр шилжүүлсэн байна. Тус хороо иргэдийн өргөдлийг судалж байгаа юм. Иргэдээс ирсэн гомдлыг нэрлэх боломжгүй учир нь хувь хүний нууцтай холбоотой учраас ийнхүү нууцалжээ. Энэ асуудлаар нээлттэй хэлэлцүүлэг зохион байгуулах эсэхийг шийдээгүй байна. Учир нь өргөдөл шүүхээр шийдвэрлэгдсэн асуудал, зарим нь хувь хүний нууцтай холбоотой асуудал үүсч байна. Хэрвээ нээлттэй хэлэлцүүлэг явуулах бол 900 хүний гарын үсэг цугуулах ёстой гэсэн хуулийн заалт байгаа. Аюулгүй байдал, гадаад бодлогын байнгын хорооноосөргөдлийн байнгын хороонд асуудлыг шилжүүлээд долоо хонож байна. Хуулиараа 30 хоногийн дотор судлах хугацаатай байдаг байна.
Сэтгэгдэл (0)
Сэтгэгдэл бичигдээгүй байна