Коста Рикагийн фермерүүд орлогын гол эх үүсвэр болох үнээ, бухуудаа ихэд хүндлэн дээдэлдэг байна. Энд жил бүр уламжлал болгон зохион байгуулагддаг бухтай тулалдах тэмцээн Мексик, Испанийнхаас тун ялгаатай. Тэмцээний үеэр нэг ч бух гэмтэж бэртэхгүй гэсэн зарчим үйлчлэх ба эрчүүдийн бяр чадлыг араатан амьтанд гаргахыг хэрхэвч тэвчдэггүй.
Харамсалтай нь, энэ тэмцээний үеэр 200 гаруй хүн гэмтэж бэртэн эмнэлэгт хүргэгдсэн тохиолдол гарч байжээ. Тиймээс бухтай тулалдах тамирчдад маш өндөр шаардлага тавьдаг байна. Үүнд байнгын хөдөлмөр, бие бялдрын бэлтгэл хэрэгтэй. Эс бөгөөд хэдхэн хоромд амь насаа алдах эрсдэлтэй ажээ. Гэвч энэ гайхамшигтай урлаг руу дайрах, довтлох явдал их гарч байна.
"Мөнгөний төлөө тулааны талбарт гардаг тулалдагч байхгүй дээ. Мөнгөний төлөө бухтай тулалддаг бол урьсан залсан газар бүр очиж тулалдахсан. Би зөвхөн бухын тулааныг биширч, сайн тулалдагч болох мөрөөдлөөр л жигүүрлэж энд хүрсэн" хэмээн нэгэн бухтай тулалдагч ярив.
Сэтгэгдэл (0)
Сэтгэгдэл бичигдээгүй байна