ИНТЕРНЭТЭД ХАМГИЙН ИХ ҮЗЭН ЯДАГДСАН ХҮНЭЭР СОЛОНГОС ДУУЧИН ТОДРОВ

Өмнөд Солонгосын дуучин, рэппер Амбер Лиу охидын хамтлагт харьяалагдаж байгаад бие даасан уран бүтээлүүдээ туурвиж эхэлжээ. Энэ бүсгүй богино үс, шивээс, шувуун цээжээрээ интернэт хэрэглэгчдийн анхаарлыг татаж, багагүй шүүмжлэлд өртсөн байна. Түүний гадаад үзэмж хүмүүст таалагдаагүй бололтой.

Хэрэглэгчид "Амбер, цээж чинь хаана байна?", "Эрэгтэй юмуу, эмэгтэй юмуу", "Хөхгүй юмуу?" гэсэн сэтгэгдлүүдээр "булжээ". Тэрээр энэ бүгдэд "Маш зөв асуулт байна. Гэхдээ хүн хүнээ хүндлэх хэрэгтэй биз дээ" хэмээн хариулжээ. Одоо тэрээр "Youtube"-д дуугаа түгээх биш хэрэглэгчдийн асуултад хариулах ажилтай болсон гэнэ. Амбер өөрийгөө юбка, даашинз, урт үсэнд дургүй жирийн л нэг эмэгтэй хүн гэж тайлбарласан байна.