Их Британийн "Daily Mail" сонин Хятадын хар зах дээр худалдаалж буй хуурамч бүтээгдэхүүнийг олон нийтэд дэлгэж, аялагчдад сануулав. Алдартай брэнд бүтээгдэхүүний нэрийг буруу бичсэнээс үзвэл хуурамч гэдгийг нь танихад төвөггүй байгаа ажээ. Тэд "Starbucks" коффе, "Sprite" ундааг хүртэл хуурамчаар үйлдэж байна.
Тэр ч бүү хэл "Walnut" самран дотор цемент чихэж, хулгана, булга, үнэгний махан дээр химийн бодис нэмэн зарж байна. Хятадын цагдаа нар 20 мянган тонн хуурамч үхэр, хонины мах хураан авч, уг хэрэгт холбогдуулан 900 гаруй хүнийг баривчилсан талаар хэвлэлүүд мэдээлж байв.
Хятад дарсны 70 хувь нь хуурамч бөгөөд хямдхан жимсний шүүсээр найруулаад үнэтэй брэндийн шошгийг наадаг гэнэ. Мөн зөгийн балыг сироп найруулан бэлтгэж байгаад баригдсанаас гадна хуурамч, өндөг, будаа, вандуй, хүн орхоодой ихэд дэлгэрч буйг санууллаа.
Сэтгэгдэл (0)
Сэтгэгдэл бичигдээгүй байна