Энэ оны эцэс гэхэд гадаад валютын албан нөөц 2.5 тэрбум ам.доллар болж, өнгөрсөн оныхоос хоёр дахин өсөх нь. Энэ үзүүлэлт ОУВС-гийн Захирлуудын зөвлөл "Өргөтгөсөн санхүүжилтийн хөтөлбөр" үр дүндээ хүрч байна гэж дүгнэхэд нөлөөлсөн байна.
Монголбанкны цахим хуудсанд мэдээлснээр аравдугаар сарын байдлаар нийт албан нөөц 1.6 тэрбум ам.доллар байсан бол энэ оны эцэс гэхэд 2.5 тэрбумд хүрэх аж.
Валютын нөөц өсөх нь төгрөгийн бусад валюттай тэнцэх үнэ тогтвортой байх суурь болдог. Валютын нөөц өссөнийг
Алт тушаалт өссөн,
Эдийн засагт итгэх итгэл сэргэсэн,
Хувийн хэвшил болон хандивлагч орнуудын хөрөнгө оруулалт өссөн,
Гаднаас орж ирэх валютын урсгал Монголоос гадагшлах урсгалаас их болсон,
Засгийн газар эдийн засгийг сэргээх, орлогоо өсгөх тууштай бодлого баримталж байгаа,
Улсын төсвийн алдагдал 17-оос 7 хувь болж буурсан,
Төсвийн тогтвортой хуулийн дагуу төсвийн зарлага буурсантай холбон тайлбарлаж байна.
Монголбанк өнгөрсөн сарын эцсээр иргэд, аж ахуйн нэгжүүдээс нийт 19.1 тонн алт худалдан авчээ. Энэ нь өмнөх оны мөн үеэс 1.5 тонноор илүү буюу 8 хувиар өссөн үзүүлэлт юм.
Монголбанк алт тушаалтыг нэмэгдүүлэх зорилгоор "Монгол Алт" аяныг хоёр сарын хугацаанд хэрэгжүүлж, өнгөрсөн оны арван хоёрдугаар сараас эхлэн алтыг дэлхийн зах зээлийн үнээр авах болсон нь алт тушаалтыг нэмэгдүүлжээ.
Б.Ирээдүй
Сэтгэгдэл (0)
Сэтгэгдэл бичигдээгүй байна