Их Британийн залуу хосууд болох 46 настай Кэйт, 48 настай Адам нар орчин үеийн амьдралаас зугтаж, тосгонд шавар овоохой барьжээ. Эхнэр Кэйт нь цахилгаан хэрэгсэл, Wi-fi, крантны ус, байшингийн шохой, будагнаас харшилж, байнга ханиалгах болсон тул эрүүл мэндийнхээ төлөө ийм шийдвэр гаргасан байна. Одоо тэд цэвэр байгальд, тариалангийн жижиг талбай худалдан авч, аж ахуй эрхлэн амьдрах болжээ.
Тэд хамтдаа тахиа, ямаа, галуу тэжээж, голын усаар ундаалж, зүлэг ногоогоор байшингаа гоёж, гал түлдэг гэнэ. Мөн байшингаа тохижуулж, ус халаадаг бойлер, нарны зай хураагуур авчээ. Хосууд энэ амьдралдаа тун ч сэтгэл хангалуун байдаг ажээ.
"Орчин үед бид химийн найрлагатай бүтээгдэхүүн хэрэглэж, түүндээ бага багаар хорддог. Аажмаар бидний дархлаа муудаж, бие махбод хорыг эсэргүүцэж чадахаа больдог юм. Тиймээс хотын захиргаанаас зөвшөөрөл авчихвал хүн бүр л тансаг хаусанд биш хөдөө талд амьдрах сонирхолтой болсон" хэмээн Кэйт ярьж байна.
Сэтгэгдэл (0)
Сэтгэгдэл бичигдээгүй байна