Бүх цаг үеийн хамгийн шилдэг сагсчдын нэг Коби Брайнт зодог тайлснаасаа хойш бизнесийн ертөнцөд хөл тавьж, чамгүй амжилттай ажиллаж байгаа билээ. Зодог тайлсан сагсчин, бизнесмен, хөрөнгө оруулагч гэх олон тодотголтой түүнд дахин нэг шинэ тодорхойлолт нэмэгджээ. Тэр нь оскарт нэр дэвшсэн кино продьюсер.
Эх сурвалжийн мэдээлснээр Коби Брайнтын бүтээсэн "Хүндэт сагсан бөмбөг минь" богино хэмжээний анимейшн энэ жилийн оскарын шагналд нэр дэвшихээр болсон байна. Тэрхүү богино хэмжээний анимейшнг 2015 онд олон нийтэд цацагдсан ижил нэрт шүлэгнээс сэдэвлэн бүтээжээ. Харин тэрхүү шүлгийг Коби Брайнт НБЭ – д тоглосон сүүлийн улиралдаа бичиж байжээ.
"Хүндэт сагсан бөмбөг минь" богино хэмжээний анимейшн нь Коби Брайнтын НБЭ – д өнгөрүүлсэн 20 жилийг илэрхийлсэн бөгөөд тэрхүү хугацаанд хэрхэн унаж босч, эцэст нь хэрхэн амжилтанд хүрсэн тухай өгүүлдэг юм.
Сэтгэгдэл (0)
Сэтгэгдэл бичигдээгүй байна