Хэдийгээр Олдтаймер гэж нэрлэгдэх болсон хуучны машинууд дэлхий дээрх хамгийн үнэтэй машинд тооцогддог боловч нэгэн машины үнэ автомашин сонирхогчдын анхаарлыг ихээр татаж байна. "Aston Martin Zagato DB4GT" машиныг Бонхамсын дуудлага худалдаагаар 17 сая евро болон түүнээс дээш үнээр худалдагдах болно гэсэн таамаг гараадайна. "DB4GT" загвар нь Астон Мартин компаний бүтээсэн 19 машины нэг юм. Английн Формула-1 тэмцээний нисгэгч Жим Кларк 1961 онд Лэ Манст болсон уралдаанд унаж байжээ. Бонхамс дуудлага худалдааны компаний захирал Жеймс Найт "Энэ машинд Их Британий сайн сайхан бүхэн багтсан байгаа. Энэ машиныг тусгай хэмжээгээр, гар аргаар бүтээсэн. Бас өндөр чанарта. Бас Италийн Загато стильтэй. Тэгэхээр энэ машин хоёр улсын шилдгүүдийг багтаасан машин юм" гэж тайлбарласан байна. Астон Мартин машиныг энэ онд "Гүүдвүүд фестивал ов Спийд" наадмын үеэр дуудлагаар худалдах юм.
Сэтгэгдэл (0)
Сэтгэгдэл бичигдээгүй байна