Дэгжин эсгүүр, энгийн чимэглэлийг хослуулсан энэ коллекци нь загварлаг эрчүүдийн ирэх намар өвлийн гоёо болох юм. "Project life creation"-ний бүтээсэн эдгээр хувцаснуудыг өдөр тутамд төдийгүй албаны зориулалтаар өмсөх боломжтой ажээ. Тэгвэл "Дипломаси"брэндийн шинээр сонгогдсон загвар зохион бүтээгчээр Холливудын стилист асан Эрик Арчибалд ажилласан байна. Тэрээр энгийн битүү захтай цамц, өргөн борооны цув болон гэрэлтсэн тод өнгийн оймснуудыг санал болгож байна. Тэрээр эдгээр загваруудынхаа санааг Нью Йорк хотын Таймс Скүэр болон Сохо гудамжуудаас олжээ. Энэ жилийн Нью Йоркийн загварын 7хоногийн онцлох үзүүлбэрүүдийн нэгээр алдарт дизайнер Том Фордын гаргасан өөрийн гаргасан анхны эрэгтэй хувцасны коллекцийг танилцууллаа. Түүний шинэ коллекци нь том том хэвлэмэл хээтэйгээс гадна торгомсог материалуудаар хийгдсэн байна. Нью Йоркийн загварын 7 хоног 2-р сарын 16-ны өдрийг хүртэл үргэлжилж Марк Жейкобс, Оскар Де Ла Рента, Майкл Корс, Виктория Бэкхэм зэрэг алдартнууд бүтээлүүдээ толилуулах юм.
Сэтгэгдэл (0)
Сэтгэгдэл бичигдээгүй байна