АНУ- 2019 оны улсын төсөвтөө байгаль хамгаалахад зарцуулдаг хөрөнгийг багасгаж зэвсэгт илүү их хөрөнгө оруулалт хийх болно гэж ерөнхийлөгч Д.Трамп мэдэгдлээ. Зөвхөн Пентагонд л гэхэд 686тэрбум долларыг өгөхөөр төлөвлөж байгаа нь тус улсын түүхэн дэх батлан хамгаалах салбарт зориулж байгаа хамгийн өндөр төсөв болж байна гэж "CNN" мэдээлж байна. Үндэсний аюулгүй байдлыг хамгнаалахад нийт 716 тэрбум долларыг зарцуулахаар төлөвлөснөөс Мексик улсын хил дээр баригдах хаалтанд 18тэрбум доллар шаардагдана гэж 2019 оны улсын төсвийн урьдчилсан төсөвт тусгагдаад байгаа юм. Тэгвэл Америкийн бусад салбарууд жишээлбэл гадаад хэргийн яам өөрийн төсвийн 27%, байгаль хамгаалах яам 37%-аас татгалзах шаардлагатай болоод байна. Цагаан ордон мөн нийгмийн салбарт, тодруулбал орлого багатай иргэдэд зориулсан Медикэйд эрүүл мэндийн үйлчилгээнд ч таналт хийхээр төлөвлөжээ. Ирэх оны төсвийн урьдчилсан төлөвлөгөөг олон нийтэд танилцуулахын өмнө 150 гаруй экс генералыг дуудан гадаад хэргийн яам болон хөгжлийн тусламжинд хийж байгаа таналтуудыг танилцуулсан байна. "Си Ай Эй" нууц албаны тэргүүн асан Девид Петреус, АНУ, НАТО-ийн Афканистан дахь армийг хариуцан ажиллаж байсан генерал Стэнли МакКристал нар "Өнөө цагт тулгараад байгаа асуудлуудыг зөвхөн цэрэг армиар шийдэх боломжгүй" гэсэн утга бүхий захианд гарын үсэг зурсан байна. Ерөнхийлөгч Д.Трампын гаргасан энэхүү урьдчилсан төлөвлөгөөнд 2028 он хүртэл 7их наяд долларын хомсдол гарах нь тодорхойгоос гадна өнгөрсөн оны сүүлчээр баталсан татварын өөрчлөлт нь олон жилийн туршид АНУ-ын өрийн дарамтанд нэрмээс болно гэдгийг харж болох юм.
Сэтгэгдэл (0)
Сэтгэгдэл бичигдээгүй байна