БНХАУ-д цагаан сарын баяр болох гэж байгаатай холбоотойгоор их хэмжээний аялал жуулчлалын үе ирээд байна. Олон сая иргэд нохой жилийг гэр бүл, эцэг эх, хамаатнуудтайгаа угтахын тулд төрсөн нутгаа зорих болжээ. Тус улсын эрх баригчид 2-р сарын 16-нд гарах дорнын шинэ он тооллоос өмнө 2,98тэрбум автомашин, галт тэрэг, онгоцны нислэгүүд явагдана гэж тооцоолсон бол галт тэргээр зорчигчдын тоо өнгөрсөн оныхтой харьцуулахад 8,8 нэмэгдсэн бол онгоцоор зорчигчдын тоо10% нэмэгдэж, автомашинаар зорчигчдын тоо анх удаа буурах төлөвтэй байна гэж мэдэгдлээ. Уг таамагт бичсэнээр Хятадын 6,5сая иргэн цагаан сарын үе буюу 40хоногийн хугацаанд гадаад улсад зочилж, жуулчлахаар төлөвлөсөн байна. Мөн баярын үеэр жуулчид 476тэрбум юань буюу 61,45тэрбум еврог аялалд зарцуулах төлөвтэй байгаа нь өнгөрсөн жилийнхээс 12,5хувиар нэмэгдсэн үзүүлэлт юм. Баярын үеэр шаардагддаг бэлэн мөнгөний эрэлтийг хангахын тулд Хятадын төв банк 316тэрбум ам долларыг эргэлтийн хөрөнгө дээрээ нэмж зах зээлд нийлүүлээд байгаа юм.
Сэтгэгдэл (0)
Сэтгэгдэл бичигдээгүй байна