Цаа бугын тоо толгой 1994 онд 400 гаруй тоо толгойд хүрч устах аюул нүүрлэн цөөрөөд байсан бол одоо 2159 хүрч өсчээ. Энэ нь төр засгаас цаа бугын тоо толгойг өсгөх бодлого хэрэгжүүлж байгаатай холбоотой аж. Монгол Улсын Ерөнхийлөгч асан Ц.Элбэгдорж бүрэн эрхээ хэрэгжүүлж байхдаа Засгийн газарт чиглэл өгөх тухай зарлиг гаргаж, цаа буга маллан тайгад амьдарч буй цаатан иргэдийн амьдралыг дээшлүүлэх, тэдний боловсрол, нийгмийн хамгааллыг сайжруулахыг Засгийн газарт үүрэг болгосон. Уг зарлигийг хэрэгжүүлэх талаар авах зарим арга хэмжээний тухай Засгийн газрын тогтоол батлагдсанаар цаатан иргэд 2013 оны зургадугаар сарын 1-ний өдрөөс эхлэн тэтгэмж авдаг болсон юм. Ингэхдээ 18 хүртэлх насны цаатан хүүхдэд Хангайн бүсийн амьжиргааны доод түвшингийн 50 хувьтай тэнцэх хэмжээний, насанд хүрсэн иргэнд амьжиргааны доод түвшингийн хэмжээгээр сар бүр мөнгөн тэтгэмж олгодог болсон билээ.
Сэтгэгдэл (0)
Сэтгэгдэл бичигдээгүй байна