АН 116 ГИШҮҮНЭЭ ҮБХ-НООС ХАСЧЭЭ

АН Үндэсний бодлогын хороондоо энэ сарын 5-ны өдөр ротаци явуулсан байна. Энэ хүрээнд 116 гишүүнээ Үндэсний бодлогын хорооноос хасчээ. Тус намын ҮБХ-ноос хасагдсан гишүүд дотор Р.Амаржаргал, Л.Гантөмөр, Б.Баабар, Х.Тэмүүжин, Э.Бат-Үүл, Д.Ганболд, Н.Батбаяр нар багтжээ. Тэднийг жилийн 3 сая төгрөгийн татвараа төлөөгүй, намын үйл ажиллагаанд идэвхгүй хандсан, оролцоо багатай гэсэн үндэслэлээр хассан аж. ҮБХ-д хасагдсан гишүүдийн оронд АН-ын дарга С.Эрдэнийн хүмүүс орсон хэмээн АН-ын гишүүд ярьж байна. Энэ талаар Б.Баабар өөрийн цахим хаягт "Ардчилсан намаас 116 хүн хөөгдсөний дотор Амаржаргал, Гантөмөр, Тэмүүжин, Бат-Үүл, Баабар, Халзан Ганболд нар багтжээ. Тэднийг нөхөж Нийгмийн даатгалд ажиллаж байсан 116 хүн оржээ. Ардчилсан нам цэвэршлээ." хэмээн жиргэсэн байна.