Швейцарийн хуулийн дээд байгууллага тус улсын банкин дахь нийтдээ 1.85 сая ам.долларын үлдэгдэлтэй данснуудыг царцаасан талаар Ройтерс агентлаг мэдээлжээ.
Үүнд, Рио Тинтогийн олборлолтын гэрээг байгуулахад Монгол улсын экс Сангийн сайд дэмжлэг үзүүлсэн байж болзошгүй бөгөөд авлигын хэргийг шалгах ажлын хүрээнд дээрх арга хэмжээг авчээ. Швейцарийн Ерөнхий прокуророос С.Баярцогт өөрийн данснуудын нэгээр Рио Тинтогоос 10 сая ам.доллар авсан байж болзошгүй гэж үзэж байгаа аж. Монгол улсын Авлигатай тэмцэх газар 2009 онд Рио Тинтотой С.Баярцогтын байгуулсан хөрөнгө оруулалтын гэрээг шалгаж байгаа бөгөөд гэрээг байгуулсны дараа Рио Тинто компани Оюу Толгойн төслөө эхлүүлсэн байдаг. Прокурорын мэдэгдэлд "Гадаад орны засгийн газрын сайдын албан тушаалд дөнгөж томилогдсон хүн ийм их хэмжээний мөнгө хүлээн авсан нь сэжигтэй байгаа төдийгүй Сангийн сайд байхдаа Баярцогтын гарын үсэг зурсан гэрээ Монголын талд хохиролтой байж магадгүй байдал ажиглагдаж байна" гэжээ. 2008 оны есдүгээр сард буюу С.Баярцогтыг Сангийн сайдаар томилогдсон үед түүний дансанд 10 сая ам.доллар нэрийн дансанд нь шилжиж орж ирсэн байна.
Сэтгэгдэл (0)
Сэтгэгдэл бичигдээгүй байна