Хурандаа О.Банди захирагчтай цэргийн хамгаалалтын ротын долоодугаар ээлжийн цэргийн баг Исламын Бүгд Найрамдах Афганистан улсыг зорилоо. Тус улсад явагдаж буй НАТО-ийн хүчний тэргүүлсэн "Шийдвэртэй дэмжлэг" ажиллагаанд манай улсын алба хаагчид АНУ-ын Зэвсэгт хүчинтэй хамтран үүрэг гүйцэтгэх аж.ЗХЖШ-ын орлогч дарга, хошууч генерал Ж.Бадамбазар, ЗХЖШ-ын Энхийг дэмжих-цэргийн хамтын ажиллагааны хэлтсийн дарга, хурандаа Б.Бат-Эрдэнэ, ЗХЖШ-ын ахлагч, тэргүүн ахлагч Б.Гантөмөр болон манай улсад суугаа АНУ-ын Элчин сайдын хэргийг түр хамаарагч Мануэл П.Микаллер нар энхийг сахиулагч дайчдыг үдэн мордуулсан байна. Энэ үеэр хошууч генерал Ж.Бадамбазар хэлэхдээ "Монгол цэргийг хүлээсэн үүргээ хариуцлагатай, нэр төртэй биелүүлдэг дайчид гэдгийг дэлхий нийтээрээ хүлээн зөвшөөрч, бахдаж буй энэ үед та бүхэн үүргээ нэр төртэй биелүүлээд эх орондоо ирнэ гэдэгт итгэж байна. Ажиллагааны газарт нэгнээ гэсэн сэтгэлтэй, дэмтэй, эвтэй байж, удирдлагынхаа өгсөн үүрэг даалгаврыг сайн биелүүлээрэй" гэлээ.
Сэтгэгдэл (0)
Сэтгэгдэл бичигдээгүй байна