Хөвсгөл аймгийн Эрдэнэбулган сумаас 60 км-ийн зайтай Горхины эх Ухнатын даваанд энэ сарын 15-ны 20.00 цагийн үед гарсан ойн түймрийг унтрааж чадаагүй гурав дахь өдрөө асч байна. Түймрийн голомтод аймгийн Онцгой байдлын газрын 36 алба хаагч, орон нутгийн 100 хүн ажиллаж байна.
Гурван өдрийн өмнө гарсан ойн түймэр Цагаан-Үүр сумын нутаг руу орж сумдын иргэд, Онцгой байдлын албан хаагчид хоёр талаас нь тогтоохыг оролдож байгаа ч салхи ихтэй байгаа тул түймэр хурдацтай тархаж тогтоож чадахгүй байдалд хүрчээ. Энэ жил Хөвсгөл аймгийн нийт нутгаар цасгүй хуурайшилттай байсан учраас ой хээрийн түймэр гарсаар байгаа гэв. Хөвсгөл аймгийн хэмжээнд дөрөвдүгээр сар гарснаас хойш ой хээрийн зургаан түймэр гарчээ.
Сэтгэгдэл (0)
Сэтгэгдэл бичигдээгүй байна