Юта Жазз багийн онооны лидер Донован Митчел орон нутгийн цагаар Лхагва гарагт Оклахома Сити Тандер багийн эсрэг хийх тоглолтод оролцох эсэх нь эргэлзээтэй байна.
Тэрээр плэйоффын нээлтийн тоглолтод зүүн хөлөндөө бэртэл авсан юм. Юта Жазз эхний тоглолтод 116 - 108 харьцаатай хожигдол хүлээсэн ажээ. Донован Митчел Мягмар гарагт багийнхаа бэлтгэлд оролцсон хэдий ч зүүн хөл нь бага зэрэг зовиуртай байгаа тул маргааш болох плэйоффын эхний шатны хоёр дах тоглолтыг өнжиж магадгүй болоод байна.
Донован Митчел 2017 - 2018 оны улиралд 20.5 оноо дунджилсан бөгөөд плэйоффын нээлтийн тоглолтод 27 оноо, 10 самбараас бөмбөг авалт хийсэн байна.
Сэтгэгдэл (0)
Сэтгэгдэл бичигдээгүй байна