2020 он гэхэд Умард Солонгосыг цөмийн зэвсгээс бүрэн ангижруулах боломжтой гэж Япон, АНУ болон Өмнөд Солонгос улс үзэж байгаа тухай "Киодо" агентлаг мэдээлэв. Тус агентлагийн мэдээлснээр, Японы Ерөнхий сайд Шинзо Абэ болон АНУ-ын Ерөнхийлөгч Дональд Трамп нар яриа хэлэлцээ хийх үеэрээ Умард Солонгосыг цөмийн зэвсгээс ангижруулах хугацааны талаархи асуудлыг хэлэлцэж магадгүй байгаа юм. Хоёр улсын удирдагч Умард Солонгосыг цөмийн зэвсгээс нь эргэлт буцалтгүйгээр, бүрэн татгалзуулахад чиглэгдсэн тодорхой алхмуудыг хэлэлцэх төлөвтэй байна.Ш.Абэ одоогоор АНУ-д албан ёсны айлчлал хийж байгаа билээ. Д.Трамптай хийх түүний яриа хэлэлцээний гол сэдэв нь Умард Солонгос юм.
Сэтгэгдэл (0)
Сэтгэгдэл бичигдээгүй байна