ХҮЙ ДОЛООН ХУДАГТ МОРИН ТОЙРУУЛГА БАЙГУУЛНА

Хүй долоон худаг орчмын бэлчээрийг хамгаалах, уяач хүүхдүүд болон наадамчдын аюулгүй байдлыг хангах ажлын хүрээнд морин тойруулга байгуулж, хурдан морины уралдааныг дагах засмал зам тавих ажлыг хийхээр болжээ. Энэ тал дээр "Монгол наадам цогцолбор", Монголын морин спорт, уяачдын холбоо хамтарч ажиллахаар болсон байна.Холбооны удирдлагууд Хүй долоон худагт уламжлалт болон сонгомол морин уралдааныг хөгжүүлэх, морин тойруулгын ажиллагааг явуулахад хамтран ажиллах Санамж бичгийг байгуулсан байна. Морин тойруулгын ажлыг энэ онд багтаан эхлүүлэх бөгөөд замын ажлыг төр, хувийн хэвшлийн түншлэл хийх боломжтой гэж үзэж байгаа юм байна. Мөн Үндэсний их баяр наадмын үеэр хурдан морьдын уралдааныг засмал замаар дагахаас гадна холын зайн гүйлтийн тэмцээн зэрэг олон төрлөөр ашиглах юм