Сүүлийн жилүүдэд хулгайн гэмт хэргүүд ихсэх хандлагатай байна. Тухайлбал өсвөр насны залуучууд архидан согтуурах зугаацах цэнгэхийн тулд автомашины эд анги хулгайлах, дээрэм хийх үйлдэл ихэсдэг байсан бол баяр наадмын үеэр орон байрны хулгайн гэмт хэрэг их болдог байна. Иймээс олон нийтэд орон байрны хулгайн гэмт хэргээс сэргийлэхийг анхааруулж байна.
Үндэсний их баяр наадмын хүрээнд цагдаагийн нийт 557 албан хаагч ажиллах юм. Эдгээр албан хаагчид бүгд өндөржүүлсэн бэлэн байдалд ажиллах бэлтгэлээ бүрэн хангажээ. Гэсэн ч айл өрх бүрийг шалгаж нягтлах зав зайгүй ажилдаг тэдний хувьд иргэдийг хулгайн гэмт хэргээс урьдчилан сэргийлэх арга хэмжээ авахыг зөвлөж байлаа. Мөн энэ үеэр баярын болон амралтын өдрүүд үргэлжлэх учраас байгууллага, аж ахуйн нэгжүүд харуул хамгаалалтаа чангатгахыг онцлон анхааруулсан. Наадмын үеэр хулгайн гэмт хэрэг ихэсдэг тул орон сууц, халаасны хулгайгаас сэрэмжтэй байхыг иргэдэд сануулж байна. Хяналтын камераар хянах хяналтыг сайн бэлдсэн ч гэлээ иргэдийг сонор сэрэмжээ дээшлүүлэхийг сануулав. Мөн наадмын үеэр бороотой, нартай байх цаг агаарын урьдчилсан мэдээ гарсан учраас үер уснаас ч сэргийлэхийн сацуу иргэд согтуурсан үедээ гол руу очихгүй байх, бяцхан үрсээ усанд оруулахгүй, тэдэнд тавих хараа хяналтаа сулруулахгүй байхыг онцгойлон анхаарууллаа.
Сэтгэгдэл (0)
Сэтгэгдэл бичигдээгүй байна