Өнгөрсөн долоо хоногт Зам тээврийн хөгжлийн яамны дарга нар ажлын байран дээрээ архидан согтуурч, нэгнийхээ аминд хүрсэн харамсалтай хэрэг гарсан билээ. Хэрэг гардаг өдөр сэжигтэн Б.Махбал нь яамныхаа Зам тээврийн хяналт хариуцсан мэргэжилтэн Ч.Ганбаяр, Төмөр зам далайн тээврийн бодлогын хэрэгжилтийг зохицуулалтын газрын дарга Б.Артур, Авто замын бодлогыг хэрэгжүүлэх газрын дарга Э.Энхбат, Хүний нөөцийн асуудал хариуцсан ахлах мэргэжилтэн Д.Цэцэгмаа нарыг уруу татаж, өдөржин архидсан байдаг. Бүр ээлжийн амралттай байсан мэргэжилтэн Д.Цэцэгмааг "Тушаал гаргаж өг" хэмээн гэрээс нь дуудаж ирүүлээд, улмаар хамт архидсан байдаг юм.Ийнхүү нэгнийгээ нийлэн бүлэглэн зодож амийг нь хохироосон эл асуудалд Засгийн газар ээлжит бусаар яаралтай хуралдаж, хариуцлага алдсан удирдлагуудад хариуцлага тооцохоор болсон юм. Тухайлбал, тус яамны зургаан газрын даргыг ажлаас нь халахаар шийдвэрлэсэн.Тэгвэл дээрх харамсалтай хэрэгт нэр нь холбогдсон албан тушаалтнууд ажлаасаа чөлөөлөгдөх өргөдлөө өгсөн талаар эх сурвалж хэлэв
Сэтгэгдэл (0)
Сэтгэгдэл бичигдээгүй байна