Сүхбаатар дүүргийн цагдаагийн I хэлтэс Stamford хэмээх хөрөнгө оруулалтын компанид залилуулсан хүмүүсийн гомдлыг шалгаж эхэлжээ. 2017 оноос үйл ажиллагаагаа явуулж эхлэсэн Stamford хөрөнгө оруулалтын компани нь иргэдээс хөрөнгө оруулалт авах зарчмаар мөнгө босгож нийт 7000 гаруй иргэнд 100 тэрбум төгрөгийн хохирол учруулаад байгаа аж.
Иргэдийн мэдээлснээр Stamford нь интернет дэх Forex арилжаатай ижил төрлийн зарчмаар ажилладаг гэнэ. Энэ нь тухайн хүнтэй 1 жилийн хугацаанд гэрээ байгуулж, долоо хоног бүрийн бямба гарагт ногдол ашгаа авахаар тохиролцдог байжээ. Харамсалтай нь иргэдэд 1-2 долоо хоногт ашгаа өгсөн ч энэ оны дөрөвдүгээр сараас ноогдол ашгаа өгөхөө больжээ.
Байрны урьдчилгаа хийх мөнгөөрөө байр авах боломжтой гэсэн зараар холбогдсон хүмүүст урьдчилгаа мөнгөө өгч, барилгын компанитай гэрээ хийвэл жилийн дараа байрандаа орно гэж тайлбарлажээ. Гэрээ байгуулсан иргэд "Эрсдэлийг 100 хувь өөрөө хүлээнэ, мөнгөө алдвал компани хариуцлага хүлээхгүй" гэдгийг тайлбарлаагүйгээс хохирлоо гэж ярьж байна.
Цагдаагийн байгууллагаас эл асуудлыг тодруулахад иргэдийн гомдлын дагуу шалгаж байна. Шалгалтын ажиллагаа үргэлжилж байгаа тул дэлгэрэнгүй мэдээлэл өгөх боломжгүй гэсэн тайлбарыг өгч байгаа юм.Stamford компанийг хариуцсан гэх ОХУ-ын иргэн Евгений Персов цагдаагийн хэлтэст байцаалт өгч байгаа аж
Сэтгэгдэл (0)
Сэтгэгдэл бичигдээгүй байна