УИХ-ын гишүүн Х.Нямбаатарын компани Жижиг, дунд үйлдвэрлэлийг дэмжих сангаас зээл авсан гэх мэдээлэл цахим орчинд гараад байна. Энэ талаар түүнээс тодрууллаа.
-ЖДҮ-ийг дэмжих сангаас зээл авсан 10-аад гишүүн, сайд нар байна. Таныг тус сангаас зээл авсан тухай мэдээлэл гарчээ
- Намайг зээл авсан гэж бичсэн мэдээллийг би хараагүй байна. Өнгөрсөн долоо хоногийн баасан гаригт сэтгүүлчид УИХ-ын гишүүдээс энэ талаар асуугаад байсан. Чуулганы танхимын үүдэнд таарсан сэтгүүлчдэд миний хамаарал бүхий компани жижиг дунд үйлдвэрлэлийн сангаас нэг ч төгрөгийн зээл аваагүй гэж хэлсэн. Одоо дахиад хэлэхэд ЖДҮ-ийг дэмжих сангаас огт зээл аваагүй
- Таны нэр дээр хичнээн компани байдаг вэ?
- АТГ-т гаргадаг хөрөнгө орлогын мэдүүлэгт тодорхой бичсэн байгаа. Хамаг Монгол групп ХХК, Старкатеринг ХХК, Бестдрилинг ХХК, компани бий. 2015-2018 оны хооронд ЖДҮ-ийг дэмжих сангаас зээл авсан аж ахуйн нэгжийг хэвлэл мэдээлэлээр зарласан. Тэр жагсаалтан дотор миний үүсгэн байгуулсан, миний ах дүү хамаатан садны нэг ч компани зээл аваагүй гэдгийг би албан ёсоор хэлмээр байна
Сэтгэгдэл (0)
Сэтгэгдэл бичигдээгүй байна