Онцгой байдлын ерөнхий газраас өнгөрсөн хоногт ирсэн шуурхай дуудлага мэдээллийг хүргэж байна.
Өчигдөр 14.00 цагийн үед Дорнод аймгийн Чулуунхороот сумын Оросын худаг гэдэг газар тус сумын харьяат иргэн Б-гийн туслах малчин Дашбалбар сумын харьяат иргэн Д /25 настай, эрэгтэй/ нь адуу хураахаар мориор яваад сураггүй алга болсон тухай мэдээлэл орой 18.00 цагийн үед онцгой байдлын тусгай утсанд иржээ.
Дуудлагын дагуу тус сумын Засаг даргын Тамгын газрын 22 хүн, 4 автомашинтай эрэн хайх ажиллагааг зохион байгуулж шөнө 23.55 цагт тус багийн Галуут нуур гэдэг газар туслах малчныг иргэн Т-гийн малын хашаанд унтаж байхад нь эсэн мэнд олсон боловч тэрбээр машинтай хүмүүс харангуутаа морио унаад зугтсан байна.
Сэтгэгдэл (0)
Сэтгэгдэл бичигдээгүй байна