Дорноговь аймгийн Даланжаргалан сумын Шарга-Өндөр гэдэг газар өчигдөр /2018.12.11/ зам тээврийн ноцтой осол гарчээ. Тодруулбал, тус сумын Олон-Овоод багаас Даланжаргалан сумын төвийн чиглэлд зорчиж явсан "Хово" загварын ачааны автомашин, гурван зорчигчтой "Истана" загварын суудлын автомашинтай мөргөлдсөн байна.
Ослын дуудлага өдрийн 16:02 минутад аймгийн Онцгой байдлын газар иржээ. Дуудлагын дагуу зургаан алба хаагч ослын газарт очиход Улаанбаатар хотын Чингэлтэй дүүргийн харьяат иргэн 47 настай эрэгтэй Г, Дархан-Уул аймгийн Шарынгол сумын харьяат иргэн 26 настай эрэгтэй Б, Ховд аймгийн Жаргалант сумын харьяат иргэн 23 настай иргэн Б нар нас барсан байжээ. Талийгаачдын цогцсыг аймгийн Цагдаагийн газрын жижүүрийн бүрэлдэхүүнд шилжүүлэн өгсөн байна
Сэтгэгдэл (0)
Сэтгэгдэл бичигдээгүй байна