ВЕЙСЕЛ АКЧАЙ ХОНГ-КОНГИЙГ ЗОРЬЖЭЭ


Монгол-Туркийн хамтарсан "Эмпати" сургуулийн захирал Вейсел Акчай Монгол Улсыг орхин гарсан тухай мэдээлэл зарим хэвлэл мэдээллийн хэрэгслүүдээр цацагдсан. Тодруулбал, өнгөрөгч долоо хоногийн баасан гарагт буюу арванхоёрдугаар сарын 21-ний өдөр Гадаадын иргэн харьяатын газрын дарга Д.Мөрөн сэтгүүлчидтэй уулзах үеэрээ Вейсел Акчайг Монгол Улсыг орхин гарсан тухай ярьсан байна.

Тэрбээр "Өнөөдрийн байдлаар Монгол Улсад 64 турк иргэн байна. Тэдний 26 нь багш мэргэжилтэй. Гадаадын иргэн харьяатын газраас В.Акчай багшид хилийн хориг тавиад байсан ч прокуророос хоригийг цуцлах бичиг ирсний дагуу цуцалсан. В.Акчай 2018 оны арваннэгдүгээр сарын 30-нд Монголоос гарсан. Чингис хаан нисэх онгоцны буудлаас Хонконгийн чиглэлд нисэх онгоцонд суугаад хил давсан" гэжээ.

Вэйсел Акчайг энэ оны долдугаар сарын 27-ны өдөр гэрийнх нь гаднаас үл таних 4-5 хүн машинд хүчээр суулган авч явж, хулгайлахыг завдсан хэрэг гарсан билээ. Эл хэргийг хуулийн байгууллага нууцын зэрэглэлд шалгаж, түүнд хилийн хориг тавиад байсан юм. Түүнийг Турк улсад болсон төрийн эсрэг үймээн самууныг санхүүжүүлсэн нь тогтоогдсон учраас тухайн улсаас төрийн эсрэг гэмт хэрэгтэн хэмээн үзэж, баривчлахаар ирсэн. Мөн Турк улсдаа төрийн эсрэг бослого явуулсан бол шууд цаазын ялтай байдаг учир Монгол улсын Эрүүгийн хуулийн дагуу олон улсын гэрээ конвенцэд үндэслэн цаазын ялтай болон бүх насаар нь хорих ялтай иргэнийг олон улсад өгөхгүй гэсэн заалтын дагуу явуулаагүй байдаг.

Тэрбээр Монголд 19 жил 11 сарын хугацаанд амьдарсан бөгөөд хуулиар бол 20 жил амьдарсан тохиолдолд цагаачлах боломж бүрддэг аж. Монгол Улсын нийтээр дагаж мөрдөх хуулийн дагуу аливаа улсын иргэн нь Монгол Улсад нийт 20 жилийн хугацаанд амьдарсан бол өөрийн хүсэлтээр цагаачлах болон улсын иргэн болох боломжтой байдаг. Энэ дагуу 2018 оны аравдугаар сард Монгол Улсад бүр оршин суух зөвшөөрөл хүсч, цагаачлах хүсэлтээ холбогдох албаныханд хүргүүлээд байсан юм.

Тус мэдээллийн мөрөөр бид Монгол-Туркийн хамтарсан "Эмпати" сургуулийн захирал Вейсел Акчай ямар шалтгааны улмаас Монгол Улсыг орхин гарсан тухай тодруулахыг зорилоо. Энэ тухай компанийх нь хуулийн зөвлөхөөс тодруулахад, "Вейсел Акчай Монгол Улсыг орхин гарсан нь үнэн. Хилийн хориг цуцлагдсаны дагуу гарсан. Ямар шалтгааны улмаас гарсныг нь мэдэхгүй байна" гэх хариултыг өглөө. Мөн түүнийг өмгөөлөгч хэлэхдээ, "Би түүний өмгөөлөгч байхаа больсон. Хил давсан гэх мэдээллийг анх удаа сонсож байна" гэсэн юм.


0
angry
0
care
0
haha
0
liked
0
love
0
sad
0
wow

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ
Х.Булгантуяа: Цалинтай ээжийн 50 мянгыг нэмэх санал хүргүүлсэн 4 цагийн өмнө
Ирэх сард ихэнх нутгаар хүйтэн байна 4 цагийн өмнө
Ирэх сарын 1-нээс эмч, багш нарын үндсэн цалин нэмэгдэж, 1.4 сая төгрөгт хүрнэ 5 цагийн өмнө
Зам засварын ажил ирэх сарын 10-наас эхэлнэ 6 цагийн өмнө
​П.Баттөр: Хоёр охиноо төрөхөд хүйг нь тасалж байлаа, эхнэрээ яаж зовж төрснийг харсан эр хүн гэр бүлээ хэзээ ч орхихгүй байх 7 цагийн өмнө
Монгол, солонгосчууд хамтдаа “Хөх толботон” аялал жуучлалын шинэ маршрут нээх санаачилгыг Ерөнхий сайд дэвшүүллээ 8 цагийн өмнө
Сурагчид өнөөдөр хичээллээд амарна 8 цагийн өмнө
Танилц: Өнөөдөр цахилгаан хязгаарлах байршлууд 8 цагийн өмнө
Ойрын хоёр хоногтоо салхитай хүйтэн байна 8 цагийн өмнө
Ц.Цэрэнпунцаг: Надаар манай нам дутахгүй ч эхлүүлсэн том ажлуудаа гүйцээх хүсэл байна Өчигдөр
​Б.Баярсайхан: Намайг төрд хэрэгтэй гэвэл би нэр дэвшинэ Өчигдөр
Бага тойруугийн 30 гаруй байршилд өдрийн цагаар зогсоол хамгийн эрэлттэй байна Өчигдөр
Сэлэнгэ аймгийн ОБГ: Ц.Гансүхийг хайхад бэлэн байгаа ч уул руу цас их тул хайлт үр дүнгүй байх эрсдэлтэй байна Өчигдөр
Маргааш нийслэлийн зургаан дүүрэг болон Төв аймгийн зарим байршилд цахилгаан хязгаарлана Өчигдөр
Дөрөвдүгээр сард зохион байгуулагдах хүчит бөхийн барилдааны хуваарь Өчигдөр
Хүүхдийн паркт амьтны хүрээлэн ажиллаж байна Өчигдөр
ЭМЯ: Ямар ч лоббид өртөхгүй электрон тамхины хуулийг оруулна, олон нийтийн газар татахыг хориглоно Өчигдөр
Б.Чойжилсүрэн: 10 хүн угаартаж нас барсан байна лээ, хариуцаж байгаа хүнээс нь очоод асуучих Өчигдөр
Өнөөдөр цахилгааны хязгаарлалт хийх байршлууд Өчигдөр
Цасан шуурганаар сураггүй болсон хоёр иргэнийг хайж байна Өчигдөр