Булган аймгийн Бугат сумын иргэдийн хурлын төлөөлөгч Б нь 2018 оны 12-р сарын 19-20 нд шилжих шөнө бусдын гарт амиа алджээ. Хэрэг шөнийн 03-04 цагийн хооронд үйлдэгдсэн байна. Талийгаач Б нь 40 орчим насны, АН-аас 2016 оноос Сумын иргэдийн хурлын төлөөлөгчөөр ажиллаж байжээ. Тэрээр хэрэг гардаг шөнө гэртээ унтаж байхад нь тус сумын иргэдийн хурлын төлөөлөгч О нь таван хүний хамт гэрт нь иржээ. Улмаар хоорондоо маргаж МАН-аас сонгогдсон Сумын иргэдийн хурлын төлөөлөгч О нарын 5 хүн талийгаач Б-г эхнэрийнх нь хамт зодож танхайрчээ. Б нь тархиндаа гэмтэл авч Дархан-Уул аймгийн эмнэлэгт хүргэгдэн нас барсан байна. Талийгаач Б-гийн эхнэр нь мөн гэмтэл авч эмнэлгийн тусламж авсан гэж эх сурвалж бидэнд мэдээллэв. Хүн амины ноцтой эл хэргийг одоо Булган аймгийн Цагдаагийн хэлтэс шалгаж байгаа аж.
ЭМГЭНЭЛ
Даваасамбуугийн Баттогтох нь 1974 онд Булган аймгийн Бугат суманд төрсөн. Бага наснаасаа эцэг, эхээ дагалдан мал маллах арга ухаанд суралцжээ. Тэрээр 1982-1990 онд Бугат сумын найман жилийн сургуульд суралцаж төгссөн бөгөөд 1990 оноос хувиараа мал аж ахуй эрхэлж, 2008 онд "Өгөөмөр" малчны бүлэг байгуулан ахлагчаар ажиллан, сүүний чиглэлийн үнээний ферм байгуулан ажиллаж байв. Улмаар 2014 оноос "Бугадүдрилинг" компанийг үүсгэн байгуулж, захирлаар ажиллаж байсан юм. Д.Баттогтох нь Бугат сумын ард олныхоо итгэл, хүндлэлийг хүлээсэн нэгэн байсан төдийгүй ИТХ-ын тэргүүлэгчээр хоёр дахь удаагаа сонгогдон ажилласан, тэргүүний залуусын нэг байлаа. Бидний хайрт нөхөр Д.Баттогтох таны хичээнгүй зан чанар, хөдөлмөр зүтгэл, тусч сайхан сэтгэл үүрд биднийхээ сэтгэл зүрхэнд мөнхрөн үлдэх болно
Сэтгэгдэл (0)
Сэтгэгдэл бичигдээгүй байна