Амралт, баярын өдрүүд үргэлжилж байгаатай холбогдуулан ойрын өдрүүдэд цаг агаар ямар байх тухай мэдээллийг хүргэж байна.
Өнөөдөр Улаанбаатар хотод багавтар үүлтэй. Цас орохгүй. Салхи баруун хойноос секундэд 4-9 метр. Шөнөдөө Яармаг-Сонгины орчмоор 35-37 градус, бусад хэсгээр 27-29 градус, өдөртөө 17-19 градус хүйтэн байна.
Баруун аймгуудын нутгаар шөнөдөө цас орохгүй. Өдөртөө Алтайн нурууны өвөр хэсгээр ялимгүй цас орно. Увс нуурын хотгор, Завхан голын эх, Идэр, Тэс голын хөндийгөөр шөнөдөө 41-46 градус, өдөртөө 30-35 градус, Алтай, Хангайн уулархаг нутаг Хүрэн бэлчир орчмоор шөнөдөө 33-38 градус, өдөртөө 23-28 градус, Алтайн өвөр говиор шөнөдөө 22-27 градус, өдөртөө 11-16 градус, бусад нутгаар шөнөдөө 28-33 градус, өдөртөө 17-22 градус хүйтэн байна.
Төвийн аймгуудын нутгаар цас орохгүй. Дархадын хотгороор шөнөдөө 39-44 градус, өдөртөө 31-36 градус, Хангай, Хөвсгөл, Хэнтэйн уулархаг нутаг, Орхон, Хараа, Ерөө, Туул, Тэрэлж голын хөндийгөөр шөнөдөө 32-37 градус, өдөртөө 21-26 градус, цас багатай энгэр ээвэр газраар шөнөдөө 22-27 градус, өдөртөө 11-16 градус, бусад нутгаар шөнөдөө 25-30 градус, өдөртөө 15-20 градус хүйтэн байна.
Зүүн аймгуудын нутгаар цас орохгүй. Шөнөдөө 28-33 градус, өдөртөө 16-21 градус хүйтэн байна.
Говийн аймгуудын нутгаар цас орохгүй. Шөнөдөө Дундговийн нутгаар 27-32 градус, бусад нутгаар 22-27 градус, өдөртөө бүх нутгаар 12-17 градус хүйтэн байна.
-БАРУУН БОЛОН ГОВИЙН НУТГААР БАГА ЗЭРЭГ ЦАС ОРНО-
-Арванхоёрдугаар сарын 30-нд говийн бүс нутгийн өмнөд хэсгээр,
-Арванхоёрдугаар 31-нд говийн нутгийн зүүн хэсгээр ялимгүй цас,
-Нэгдүгээр сарын 01-нд баруун аймгуудын нутгийн баруун хэсгээр,
-Нэгдүгээр сарын 02-нд баруун аймгуудын нутгийн зүүн хэсэг болон төвийн аймгуудын нутгийн зарим газраар бага зэргийн цас орно.
Увс нуур болон Дархадын хотгор, Завхан голын эх, Идэр, Тэс голын хөндийгөөр шөнөдөө 41-46 градус, өдөртөө 28-33 градус, Хангай, Хөвсгөл, Хэнтэйн уулархаг нутаг, Хүрэн бэлчир орчим, Орхон-Сэлэнгийн сав газар, Хараа, Ерөө, Туул, Тэрэлж, Хэрлэн, Онон, Улз, Халх голын хөндийгөөр шөнөдөө 34-39 градус, өдөртөө 19-24 градус, говийн бүс нутгийн өмнөд хэсэг болон цас багатай энгэр ээвэр газраар шөнөдөө 21-26 градус, өдөртөө 10-15 градус, бусад нутгаар шөнөдөө 28-33 градус, өдөртөө 15-20 градус хүйтэн байна
Сэтгэгдэл (0)
Сэтгэгдэл бичигдээгүй байна