ХИЛЧИД ЖИРЭМСЭН ЭМЭГТЭЙ АМИЙГ АВАРЧЭЭ

Хилчид эрдэнэт хүний амийг аварсан байна.Хэдхэн хоногийн өмнө Сулинхээрийн отрядад ажилладаг Ч.Урансувд гэдэг жирэмсэн эмэгтэй доргилтын улмаас , жирэмсний хүндрэл өгч бие нь муудаж 4 литр цус алдаж амь нас эрсдэлд орох шахжээ.Энэ үед ангийн дарга П.Батбилэг амийг нь аврахын тулд Хил хамгаалах ерөнхий газрын дарга хошууч генерал Ц.Сэргэлэнтэй утсаар холбоо барьж яаралтай нисдэг тэрэг ирүүлэх шаардлагатайг хэлжээ.Ц.Сэргэлэн генарал хоёр цагийн дотор нисдэг тэрэг явуулж Ч.Урансувдыг Сулинхээрийн отрядаас авч ЭХЭМҮТ-д хүргэж амь насыг нь аварчээ.Тухайн үед сандаргаж их хэмжээний цус алдахад хилчид ар араасаа цуварч зогсож цусаа өгсөн байна. Улсын эмнэлэг бараадуулсан Ч.Урансувдын биеийн байдал сайжирчээ. Ийнхүү хоёр хүүхдийн ээжийн амийг аварсан хилчдэд ангийн дарга нь болон ХХЕГ-ынхан талархаж байгаа ажээ