Америкийн Монголчуудын гольфийн холбоо, Есөн туг клуб хамтран энэ оны хамгийн анхны гольфийн тэмцээнийг зохион байгуулахаар болжээ. Америкийн Монголчуудын гольфийн холбоо болон Есөн туг клуб 2011 оноос хойш үйл ажиллагаагаа явуулж эхэлсэн бөгөөд хамтран АНУ-д байгаа монголчуудын дунд гольфийн тэмцээн уралдаан явуулсаар ирсэн байна. 3 жилийн өмнөөс жил болгоны 1-р сард Монголын гольфийн холбоотой хамтран нээлттэй тэмцээн зохион явуулж эхэлжээ. Энэ удаагийн "USMongolia Open " нээлттэй тэмцээн энэ сарын 9-14 ны өдрүүдэд Калифорни мужийн Сан Диего хотын Encinitas Ranch гольфийн талбайд өрнөх тов гарсан байна.
Encinitas Ranch нь Өмнөд Калифорнид байрлах цөөхөн хэдэн гольфийн талбайн нэг юм. Энэхүү талбай нь далай тэнгисийн гайхамшиг байгалийн үзэсгэлэнт орчинг харж болох толгод дээр байрладаг байна. Энэ удаагийн тэмцээнд Чикаго, Вашингтон ДС, Кентаки,Сан Диего, Денвер болон Улаанбаатар хотоос баг тамирчид оролцохоор бэлтгэлээ хангасан байна.
Сэтгэгдэл (0)
Сэтгэгдэл бичигдээгүй байна