ОЙРЫН ӨДРҮҮДЭД ИХЭНХ НУТГААР ХҮЙТНИЙ ЭРЧ СУЛАРНА

Улаанбаатар хотод ойрын өдрүүдэд ихэнх нутгаар хүйтний эрч суларна.Өнөөдөр багавтар үүлтэй.Цас орохгүй,Салхи баруун өмнөөс секундэд 5-10 метр. 13-15 градус хүйтэн байна.Цас орохгүй.

ЦУОШГ-аас гаргасан долоо хоногийн /2019.01.14-21/ цаг агаарын урьдчилсан мэдээг хүргэж байна.

Баруун аймгуудын нутгаар: 17-нд бага зэргийн цас орно. 14-15-нд хүйтэн байх боловч, цаашдаа хүйтний эрч суларах төлөвтэй байна.

Зүүн аймгуудын нутгаар: 18-нд нутгийн зарим газраар, 19-нд нутгийн зүүн хэсгээр бага зэргийн цас орж, зөөлөн цасан шуурга шуурна.

Төвийн аймгуудын нутгаар: 17-нд нутгийн зарим газраар, 18-нд нутгийн зүүн хойд хэсгээр бага зэргийн цас орж, зөөлөн цасан шуурга шуурна. Салхи 19-нд нутгийн зүүн хэсгээр 12-14м/с хүрч ширүүснэ.

Говийн аймгуудын нутгаар: 18-нд нутгийн хойд хэсгээр бага зэргийн цас орж, зөөлөн цасан шуурга шуурна. Салхи 15-нд нутгийн зүүн хэсгээр, 19-нд зарим газраар 12-14м/с хүрч ширүүснэ. 14-15-нд хүйтэн байх боловч, цаашдаа хүйтний эрч суларч Дундговийн нутгаар шөнөдөө 20-25 градус, өдөртөө 7-12 градус, бусад нутгаар шөнөдөө 16-21 градус, өдөртөө 3-8 градус хүйтэн харьцангуй тогтуун, ирэх өдрүүдэд сулрах төлөвтэй байна.

ЭНЭ САРЫН СҮҮЛЭЭР НУТГИЙН ЗАРИМ ГАЗРААР ЦАС ОРЖ, ЦАСАН ШУУРГА ШУУРЧ БОЛЗОШГҮЙ Өнгөрөгч арав хоногт хур тунадас

Баян-Өлгий, Увс, Ховд, Завхан, Говь-Алтай, Сэлэнгэ, ДарханУул, Хэнтий, Сүхбаатар, Дорнод, Өмнөговь, Дундговь, Дорноговийн ихэнх, Баянхонгор, Өвөрхангай, Төвийн зарим сумдын нутгаар 0.0-3.4 мм хүртэл оржээ. Харин бусад нутгаар хур тунадас ороогүй ба олон жилийн дундажтай харьцуулахад нутгийн 90 орчим хувьд дунджаас бага, 10 орчим хувьд буюу Баян-Өлгий, Ховд, Говь-Алтай, Баянхонгор, Сэлэнгэ, Сүхбаатар, Дорнод, Дундговь, Дорноговийн зарим сумдын нутгаар дунджаас ахиу хур тунадас орсон байна. Тэгвэл энэ сарын хоёр болон гуравдугаар арав хоногийн дунд болон сүүлчээр ихэнх нутгийн зарим газраар цас орж, цасан шуурга шуурах төлөвтэй байна. Салхи гуравдугаар арав хоногийн эхэн болон дунд үеэр зарим газраар 12-14 м/с, зарим үед түр зуур 20-24 м/с хүртэл ширүүсэх төлөвтэй байгаа аж