СЭРЭМЖЛҮҮЛЭГ: ХОЁР ХҮҮХДИЙН АМИЙГ АВСАН ХАНИАДНЫ ДЭГДЭЛТ ЦАГААН САРЫН ҮЕЭР ГААРНА

Эрүүл мэндийн сайд Д.Сарангэрэл хэлэхдээ томуу, томуу төст өвчний дэгдэлт нэгдүгээр сарын 3-наас эрчимжиж орон нутгаар алаг цоог байдлаар гараад байна. Одоогийн өвчлөлийн байдлыг харвал Цагаан сарын үеэр улсын хэмжээнд олон хүнийг хамарсан дэгдэлт гарах төлөвтэй байна. Эмнэлгийн орны ачаалал нийслэлд нэлээн өндөр байгаа. Батлагдсан 900 гаруй орноос 50 гаруй хувиар хэтэрсэн байдалтай байна. Тиймээс ХУД-ийн нэгдсэн эмнэлэг, Цэргийн эмнэлэг дээр нэмэлтээр тасаг гаргахаар ажиллаж байгаа гэлээ. Мөн Монгол улсын шадар сайд Д.Сарангэрэл сайдад дараах үүрэг чиглэл өглөө.

-Томуу, томуу төст өвчний дэгдэлтийн үед 0-5 хүртэлх насны хүүхдээ асарсан хөдөлмөр эрхэлж байгаа эцэг, асран хамгаалагчид эмнэлгийн хуудас олгох асуудлыг шийдвэрлэх,

-Хүүхдийн эмнэлгийн орны тоог 500-гаар нэмэгдүүлэх асуудлыг судалж шийдвэрлэх,

-Томуу, томуу төст өвчний амбулаторийн үзлэгийн хувиас шалтгаалж үзвэр үйлчилгээ, нийтийн цуглааныг хязгаарлах арга хэмжээг холбогдох байгууллагуудтай хамтран зохион байгуулах,

-Дэлхийн эрүүл мэндийн байгууллагад захиалсан вирусийн эсрэг тамифлю эмийг яаралтай нийлүүлэх ажлыг зохион байгуулахыг үүрэгдлээ.

Тиймээс эцэг эхчүүд та бүхэн цагаан сарын үеэр хүүхэддээ тавих анхаарлаа сайжруулах, бусдад үнсүүлэхгүй байх, хүүхэд үнсэхгүй байхыг анхааруулж байна.