Аравдугаар сарын 6-нд "Боловсрол" телевизээр эхэлсэн "Mongolia's next top model-2" шоу ням гарагт хаалтын шоу нэвтрүүлгээрээ ялагч бүсгүйг зарласан юм. Энэ жилийн нэвтрүүлгийг "Боловсрол" телевиз, Өвөр Монголын "Монгол Одон" телевиз хамтран дамжуулснаараа онцлогтой болжээ.
"Mongolia's next top model" шоу нэвтрүүлгийн хоёрдугаар улиралд 400 гаруй бүсгүй бүртгүүлснээс шилдгийн шилдэг 22 нь эхний шатанд шалгарч, 16 бүсгүйгээс 13 нэвтрүүлгийн турш өрсөлдсөн юм. Энэ улирлын шүүгчээр топ модель Нора Давга, топ модель Э.Одгэрэл, топ модель Э.Энхболд нар ажилласан байна. Эцсийн шатанд Дансаранова Алина, Н.Мишээл, Э.Одонтунгалаг, Б.Анужин, талийгаач Ч.Чамин-Эрдэнэ нар нар үлдсэн байжээ. Харин шоу нэвтрүүлгийн хоёр дахь удаагийн ялагчаар оролцогч Б.Анужин тодорч, цом 20 сая төгрөг, Италийн загварын товчоотой гэрээгээр ажиллах эрхийн эзэн болсон юм.
Энд нэгэн зүйлийг тодруулахад, талийгаач Ч.Чамин-Эрдэнийг бас ялагчаар тодруулсан байна. Талийгаач Ч.Чамин-Эрдэнийн гэгээн дурсгалд зориулан түүний ярилцлага, нэвтрүүлэгт оролцож байсан үеийнх нь зургуудаас үзэгчдэд хүргэж, дараа нь зочид болон шүүгчид нэг минут дуугаа хураан зогсож эмгэнэл илэрхийлэн, хүндэтгэл илэрхийлсэн. Талийгаач Ч.Чамин-Эрдэнэд олгосон ялагчийн цом болон 20 сая төгрөгийг түүний дүү Ч.Чамин-Эрхэст гардуулан өгчээ.
Сэтгэгдэл (0)
Сэтгэгдэл бичигдээгүй байна