Францаас ХонгКонгийн Цюн Кван О хүнсний үйлдвэрт тээврлэж аваачсан их хэмжээний төмс дотроос Дэлхийн нэгдүгээр дайны үеийн гар бөмбөг олдож, орон нутгийн цагдаагийнхан устгалд оруулжээ. Эх сурвалжийн мэдээлж буйгаар 100 гаруй жилийн өмнө Герман улсад үйлдвэрлэсэн, 500 орчим грамм жинтэй уг гар бөмбөг нь цэнэгтэй хэвээрээ байсан учраас тэсэрч дэлбэрэх аюултай байсан гэнэ. Энэ мэтчилэн дайны үед ашиглаж байсан тэсэрч дэлбэрэх аюултай төхөөрөмж олдсон нь нэг бус удаагийн тохиолдол юм. Хамгийн сүүлд л гэхэд өнгөрсөн сард Нидерландын нэгэн иргэн нохойгоо салхилуулж яваад санамсаргүйгээр Дэлхийн хоёрдугаар дайны үед хамаарах газрын мина дээр хэвтэж, азаар сапёрын ангийнхан дэлбэрэхээс нь өмнө минийг аюулгүй болгож байсан юм.
Сэтгэгдэл (0)
Сэтгэгдэл бичигдээгүй байна