Археологичид эртний их хаадын пирамид, тэдний занданшуулсан шарилаар алдартай Египет улсаас дахин шинэ, ховор олдвор олдсоныг ВВС агентлаг онцолжээ. Нийслэл Каир хотоос өмнө зүгт орших Минья дахь Туна Эл Гебел малтлагын талбайгаас Птолемейн үе буюу манай эриний өмнөх 300-аад оны үед хамаарах 50 гаруй мумми олсон гэж тус улсын Эртний эдлэлийн сайд онцолсон байна. Мумминуудыг газрын гадаргаас доош есөн метрийн гүнд дөрвөн танхимд хуваан оршуулсан бөгөөд 12 нь бага насны хүүхдийнх аж. Олдворуудын заримыг нь зотон даавуугаар ороож, мод, чулуун саркофагуст хэвтүүлжээ. Эрдэмтэд мумминуудын хэн болохыг хараахан таньж амжаагүй ч гол төлөв чухал байр суурьтай хүмүүс байсныг эд өлгийн зүйлс нь тодорхой харуулж буй гэв.
Сэтгэгдэл (0)
Сэтгэгдэл бичигдээгүй байна