Тайландын Эзэн хааны гэр бүлийн гишүүн 67 настай гүнж Уболратана Махидол тус улсын Ерөнхий сайдын сонгуульд нэр дэвшихээ мэдэгдээд байсан ч энэ санаа нь бүтэхгүй болж хувирлаа. Учир нь эзэн хаан Важиралонкорн дүүгийнхээ энэ үйлдлийг улс үндэстний ёс уламжлал хийгээд үндсэн хуулийг хүчгүйдүүлэх сөрөг үр дагавартай хэмээн үзэж хориг тавьсан байна. Эзэн хааны бие төлөөлөгч "Гүнжтэн Ерөнхий сайдад нэр дэвших нь Эзэн хааны гэр бүлийнхэн улс төрд оролцохгүй гэх бодлоготой шууд харшилдсан явдал учир дээрхи шийдвэрийг гаргахад хүргэсэн бас нэг шалтгаан болсон" гэх тайлбарыг өгчээ. Уболратана гүнж нь Тай Ракса Чарт намаас нэр дэвшихээр яригдаж байсан бөгөөд тус нам нь олон жилийн турш хаант засаглалын эсрэг байр суурь хадгалж буй нам юм. Хэрэв гүнж Уболратана нэр дэвшсэн бол Тайландын одоогийн Ерөнхий сайд Прают Чан-очатай өрсөлдөх байсан. Прают Чан-очаг цэргийн эрх мэдэлтнүүд тууштай дэмждэг. Нөгөөтэйгүүр Тайландын хааны байр суурь хэвээр хадгалагдаж байгаа нь өнөөгийн Ерөнхий сайдын ач тус гэж улс төр судлаачид бичдэг юм
Сэтгэгдэл (0)
Сэтгэгдэл бичигдээгүй байна