Ерөнхий сайд У.Хүрэлсүх С.Мөнхчулууныг буцааснаар хотын даргын марафон дахин эхэллээ гэж хэлж болно. С.Мөнхчулуун хотын даргад нэрээ дахин дэвшүүлнэ гэдгээ мэдэгдэж, намаасаа хөөгдөх дээрээ тулсан. Тэгвэл түүнээс гадна НИТХ-ын дарга С.Амарсайхан өмнө нь Хотын даргын өрсөлдөөнд оролцоод олонхийн саналыг авч чадаагүй ч дахин өрсөлдөнө гэгдэж байна.
Харин шинэ нэрс буюу дараагийн хувилбарт МАН-ын удирдлагууд С.Амарсайханыг нэр дэвшүүлэхгүй харин гаднаас намын Ерөнхий нарийн бичгийн дарга Д.Амарбаясгалан болон Хотын даргын орлогч Ж.Батбаясгалан, П.Баярхүү нарыг нэр дэвшүүлж магадгүй гэсэн мэдээлэл явж эхэллээ. Харин П.Баярхүү сэтгүүлчийн асуултад одоогийн байдлаар нэр дэвших бодол алга байна гэсэн хариултыг өгч байгаа юм.
Сэтгэгдэл (0)
Сэтгэгдэл бичигдээгүй байна