УИХ-ын ээлжит бус чуулган өнөөдөр 10.00 цагаас нээлтээ хийнэ. Энэ удаагийн ээлжит бус чуулганаар нийтдээ найман асуудал хэлэлцэхээр УИХ-ын дарга захирамж гаргаад байгаа юм. Тодруулбал, энэ пүрэв гаригийн чуулганаар Ашигт малтмалын тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн Ашигт малтмалын тухай хуульд нэмэлт, өөрчлөлт оруулах тухай хуульд өөрчлөлт оруулах тухай хуулийн төсөл, Төрийн болон орон нутгийн өмчийн хөрөнгөөр бараа ажил, үйлчилгээ худалдан авах тухай хуульд нэмэлт, өөрчлөлт оруулах тухай хуулийн төсөл, Татварын ерөнхий хуулийн шинэчилсэн найруулгын төсөл болон хамт өргөн мэдүүлсэн хуулийн төслүүд, Татварын ерөнхий хуульд нэмэлт, өөрчлөлт оруулах тухай хуулийн төсөл, Аж ахуйн нэгжийн орлогын албан татварын тухай хуулийн шинэчилсэн найруулгын төсөл болон хамт өргөн мэдүүлсэн хуулийн төслүүд, Хувь хүний орлогын албан татварын тухай хуулийн шинэчилсэн найруулгын төсөл болон хамт өргөн мэдүүлсэн хуулийн төслүүд, Хувь хүний орлогын албан татварын тухайyхуульд өөрчлөлт оруулах тухай хуулийн төслийг хэлэлцэхээр болжээ.
Харин ирэх долоо хоногийн чуулганаар АТГ-ын дарга, дэд дарга, ЗХЖШ-ын дарга, Улсын Ерөнхий прокурорын орлогчийг солих асуудлыг хэлэлцэх юм байна.
Сэтгэгдэл (0)
Сэтгэгдэл бичигдээгүй байна