“НИЙГМИЙН ДААТГАЛ” АППЛИКЭЙШНИЙГ ОНЛАЙНААР БАТАЛГААЖУУЛДАГ БОЛЛОО

Өнөөдрөөс эхлэн гар утасны аппликэйшний бүртгэлээ онлайнаар баталгаажуулах боломжтой болж байна.

Иргэд гар утсандаа "Нийгмийн даатгал" аппликэйшнийг татаж суулган бүртгүүлсний дараа [email protected] мэйл хаяг болон 94901289, 95901289 дугаарын wechat, viber ашиглан бүртгэл баталгаажуулах ажилтантай холбогдож, баталгаажуулах кодоо авч, бүртгүүлснээр баталгаажих аж.

Тус аппликэйшнийг ашигласнаар өөрийн шимтгэл төлөлтийн мэдээллээ он, сараар нь нарийвчлан харж, хянах боломжтойгоос гадна нийгмийн даатгалын байгууллагаас авсан тэтгэвэр, тэтгэмж, төлбөр зардлын мэдээллээ харж болох юм. Түүнчлэн тооцоолол хийх, хуулийн мэдээлэл авах, санал хүсэлтээ цахимаар илгээж шийдвэрлүүлэх бөгөөд сайн дурын даатгалын гэрээг аппликэйшнаар баталгаажуулах боломж бүрдүүлэхээр програмын хөгжүүлэлтийг хийж эхэлжээ.

Мөн гадаадад оршин суугаа Монгол иргэд уг аппликэйшнийг ашиглах боломжтой болсон бөгөөл тус аппликэйшний хэрэглэгчийн хандалтын тоо 41 мянгад хүрчээ.