Халдварт өвчин судлалын үндэсний төвд өчигдөр буюу 2019.03.19-ний өдөр халдварт гепатит буюу элэгний цочмог вирусаар өвчилсөн 21 настай иргэн нас барсан харамсалтай тохиолдол бүргтгэгдсэн байна.
Эх сурвалжийн өгсөн мэдээллээр талийгаач 20 хоногийн өмнө ХӨСҮТ –д хандан эмчлүүлж байсан бөгөөд цочмог гепатит оноштой байсан байна. Гэтэл талийгаачийн эмчлэгч эмчээр эх барих эмэгтэйчүүдийн эмчийг томилсон аж.
ХӨСҮТ бол монгол улсдаа халдварт өвчнөөс урьдчилан сэргийлэх, эмчилгээ үйлчилгээ явуулах үүрэгтэй эрүүл мэндийн том байгууллага юм. Гэтэл цочмог халдвараар өвдсөн талийгаачийг ийнхүү мэргэжлийн бус эмчээр эмчлүүлсэн нь ХӨСҮТ-ийн хариуцлага хэр байгааг харуулж байна.
Талийгаачийг эмчилж байсан эмэгтэйчүүдийн эмч Н нь ХӨСҮТ-д нэг жил гаруй хугацаанд ажиллаж байгаа бөгөөд хүн нас барсан хэрэгт эмчийг буруутган энэ сарын 25-ны өдрөөс эхлэн ажлаас нь чөлөөлөхөөр болсон байна.
Цочмог гепатитттай ирсэн хүнийг эмэгтэйчүүдийн эмчийг томилон эмчлүүлсэн ХӨСҮТ-ийн удирдлагуудын буруу юу эсвэл эмчилгээ үйлчилгээ бүрэн үзүүлж чадаагүй эмэгтэйчүүдийн эмчийн буруу юу гэдэг асуудал хөндөгдөж байна.
14-хөн хоногийн өмнө "Хүрээ" амаржих газарт эмчийн буруутай үйл ажиллагаанаас болж амаржихаар очсон эх хүүхдээ алдаж байсан бол өчигдөр ийнхүү бас нэгэн иргэн харамсалтайгаар амиа алджээ.
Энэ байдлаас Эрүүл мэндийн салбарын үйл ажилллагаа хэрхэн доголдож байгааг харж болохоор байна. Бид энэ талаар дэлгэрэнгүй мэдээллийг сурвалжлан хүргэх болно.
Сэтгэгдэл (0)
Сэтгэгдэл бичигдээгүй байна