Баянзүрх дүүргийн 10, 19 дүгээр хорооны ИТХ-ын дахин сонгууль өнөөдөр явагдаж байна. Санал авах ажиллагаа өглөөний 07:00 цагт эхэлсэн бөгөөд 22:00 цаг хүртэл үргэлжилнэ. Дахин сонгуульд Монгол ардын нам, Бүгд найрамдах нам, Монголын Ногоон нам, Монгол консерватив намаас тус бүр нэг нэр дэвшигч болон хоёрбие даагч нэр дэвшин өрсөлдөж буй. Тэгвэл иргэд саналаа өгөхөд намууд янз бүрээр нөлөөлөх гэж мөнгө санал болгох, мөнгө тарааж байна гэх мэдээлэл зарим хэвлэл мэдээллийн хэрэгслээр цацагдаж байна. Тухайлбал бие даагч нэр дэвшигчид АН-ын гишүүд гэх. Тэрээр энэхүү сонгуульд нэр дэвшигчээ бие даагч хэлбэрээр оролцуулж байгаа АН-ыхан бие даагчдад саналаа өг гэх нэрийдлээр тус тойргийн сонгогчдод мөнгө өгч саналыг нь худалдаж авах гэж оролдсон гэсэн мэдээлэл иргэдийн дунд байна. Тэрээр бие даан өрсөлдөж байгаа нэр дэвшигчид саналаа өгвөл 50-100 мянган төгрөг санал болгож байгаа гэх бөгөөд АН-ын гишүүдэд энэхүү саналыг тавьсан гэх мэдээлэл гарчээ.
Сэтгэгдэл (0)
Сэтгэгдэл бичигдээгүй байна