Би хоёр жилийн өмнө "Тод каннам" эмнэлэгт хөх сойх мэс засалд орсон. Тухайн үед би анхны хүүхдээ төрүүлээд, жил гаран болсон байсан. Хүүхэд хөхүүлсэн, хөхөө арчилж чадаагүйгээс хөх маань нэлээд унжсан байсан болохоор найзынхаа зөвлөсний дагуу "Тод каннам" эмнэлэгт очсон юм. Тухайн үед "Тод каннам" эмнэлэг КТМС-ийн ойролцоо, Баянзүрх дүүргийн цагдаагийн 2-р хэлтсийн хажууханд байдаг байсан. Намайг очиход тус эмнэлгийн захирал н.Тодномбат эмч надтай уулзаад, "Манай эмнэлэг гоо сайхны мэс заслын үйлчилгээгээр туршлагатай. хөх сойх үйлчилгээг олон эмэгтэй хийлгэж, гоё болсон" гэж хэлсэн.
Мэс засал хийхдээ хөх тойруулж мэдээгүйжүүлэлт хийгээд, мэс заслаа хийсэн.
Мэс засал амжилттай болсон уу?
Тухайн үед хөх битүү боолттой болохоор яг ямар болсныг нь мэдээгүй, харах боломжгүй байсан. Дараа нь боолт хийлгэх хугацаандаа очиход хөхний маань толгойг тойроод улаан хүрэн өнгийн, маш зузаан шарх сорви тогтсон байсан. Эмч маань "Ингэдэг юм, санаа зоволтгүй" гэсэн болохоор эдгэрэхийг нь хүлээгээд нэлээдгүй хугацаа өнгөрсөн. гэвч ямар ч өөрчлөлт гараагүй. Хөхөө хүнд харуулах нь бүү хэл, өөрөө ч хараад гутардаг.
Одоо ямар нэгэн зовиур байгаа юу?
Өвчин зовиур бол байхгүй. Гэхдээ би их айдастай байна. Удахгүй хүүхэдтэй болно. Хүүхдээ хөхөөрөө хооллоход ямар нэгэн өвдөлт эсвэл хүүхдэд маань муу зүйл болох вйи гэх айдас. Ер нь хүн өөрийнхөөрөө, байгаагаараа л байхаас сайхан зүйл алга гэдгийг ойлгосон. Олон охид бүсгүйчүүд гоё сайхан болох гэж яваад над шиг эрүүл мэнд, гоо сайхнаараа хохирох вий гэсэндээ ярилцлага өгч байгаа юм шүү.
Мэс заслын улмаас хохирсноо тухайн эмнэлэгт мэдээж хэлсэн л байх.Ямар тайлбар хэлдэг вэ?
Эхэндээ ч "Ёстой ийм юм болно гэж бодсонгүй. Мэс заслын үед ямар нэгэн алдаа гараагүй, хийх журмаараа л хийсэн. ӨӨрийн чинь арьс, булчингийн онцлогоос шалтгаалсан байх" гэсэн тайлбар хэлдэг байсан. Сүүлдээ уурлаж, загнаж доромжилддог болсон. "Чамайг манай эмнэлэгт мэс засал хийлгэснийг хэн батлах юм. мөнгө тушаасан баримт чинь байна уу" гэх мэтээр. Надад тийм баримт байхгүй. Гэхдээ тэр баримт нь надад биш тэр эмнэлэгт байх ёстой биз дээ. Тур эмнэлэг үйлчилгээ үзүүлсэн хүмүүсийнхээ нэр, хаяг, ямар үйлчилгээ авсан зэрэг мэдээллийг хадгалж байх ёстой биз дээ. Гэтэл эмнэлгийнхээ хаягийг солиод нүүгээд явчихдаг, хүнийг хохироочихоод тоодоггүй, ийм ёсзүйгрүй эмнэлэгт хүний амь нас эрсэдсэнийг сонсоод үнэхээр бухимдаж байна. Ганц би хохироогүй байна. Хүмүүсийг хохирогч болгочихоод дараагийн хүнд мэс засал хийгээд яваад байж болох уу.
Сэтгэгдэл (0)
Сэтгэгдэл бичигдээгүй байна