Энэ сарын 9-10-нд шилжих шөнө Баянзүрх дүүргийн нэгэн орон сууцны 13 давхраас хүн унаж, амь насаа алдсан хэрэг гарсан. Уг хэрэгтэй холбогдуулан талийгаачийг хамтран амьдрагч нь хардалтын улмаас түлхсэн байж болзошгүй гэх мэдээлэл хэвлэл мэдээллийн хэрэгслээр нийтлэгдсэн. Тэгвэл талийгаач эмэгтэйн хамтран амьдрагч нь 25 настай Б гэгч байсан бөгөөд тэрбээр "ОБ капитал" ХХК-ийн захирлын хүү байсан гэх мэдээлэл байна.
Талийгаач 22 настай байсан бөгөөд тухайн өдөр хамтран амьдрагч нь түүнийг хардаж, ширүүн авирласан талаар хөршүүд нь мэдээлсэн байдаг.
Тэгвэл энэ хэргийн талаар талийгаачийн найз өөрийн цахим хуудаснаа "Цагдаагийн байгууллагаас постоо устга. Хэрэг илрүүлэлтэд хүндрэл учруулж байна гэсэн тул би өөрийн постоо устгасан юм. Гэтэл энэ энэ сарын 11-нд хэрэгтэн болох О.Боргилыг батлан даалтаар сулласан байна. Мөн О.Боргилын ар гэр найз нөхөд нь миний найзыг өөрөө амиа хорлох гэж байсан цаашлаад өөрөө амиа хорлосон гэж олон нийтийн сүлжээгээр ташаа ойлголт төрүүлж байна" хэмээн нийтэлжээ.
Сэтгэгдэл (0)
Сэтгэгдэл бичигдээгүй байна