Монгол Улсын хүн амын тал хувь нь оршин суудаг Улаанбаатар хотыг ямар этгээдүүд удирдаад байна аа. 100 жилийн түүхтэй МАН яагаад ингэтлээ боловсон хүчний ядууралд туйлдав аа. Эдгээр асуултыг МАН-ын удирдлагуудаас асуумаар байна.
Хотын дарга нь нийслэлийн ундны ус, уул модны эрлэг.
Хотын орлогч нар нь нийслэлийн иргэн өмчөө алдаад шаналж байхад сэлфий хийж тохуурхана. Ингэсэн үйлдлийнхээ төлөө уучлалт гуйгаад суудлаасаа буухын оронд би сэлфийдээгүй, манай туслах зураг дарсан гэж муйхарлана.
Хотын өөр нэгэн орлогч нь архины шилээр бусдын толгойг цохиж танхайн хэргээр шүүхээс ял эдэлж байсан. Танхай этгээд ийнхүү хотын удирдах юм гэнэ.
Эдгээр орлогч нараасаа арай дөнгүүр, ажилласан жилийн туршлагатай залуу дарга байгууллагынхаа ариун цэврийн өрөөг өмчилж эзэн сууж тэнэглэнэ. Энэ нь тэр амьдралаас хэрхэн тасарч, амин хувиа хичээгч бэртэгчин зантан болохыг үйлдлээр нь харуулаад өгч байна.
Бас нэгэн орлогч нь маш олон тэрбум төгрөгийн авилгын хэргээр шалгагдаж байгаа юм.
Хотын дарга нарын томилгоог эргэн харахыг МАН-ын удирдлагууд, Монгол Улсын Ерөнхий сайд, Нийслэлийн намын хорооны даргаас хүсмээр байна.
Сэтгэгдэл (0)
Сэтгэгдэл бичигдээгүй байна