Литва нь Украйнд Зөвлөлтийн үед үйлдвэрлэгдсэн автомат, пулемётын 100 сая сум нийлүүлсэн тухай ТАСС мэдээлж байна. Украйны онгоцууд нийт 250 мянга орчим еврогийн үнэтэй сум хэрэгслийг Литваас тээвэрлэн авчирсан аж. Украйн Литва хоёр нь 2014 онд зэвсэглэл нийлүүлэх тухай хэлэлцээр байгуулсан байдаг.
Үүнээс өмнө буюу өнгөрөгч тавдугаар сарын сүүлээр АНУ нь Орост үйлдвэрлэгдсэн зэвсгийн сум худалдан авах тендер зарлаж байсан. Тус тендерийн дагуу Калашниковын автоматын 5,45 ба 7,62 мм-ийн сум, ТТ ба Макаровын гар бууны сум, Драгуновын мэргэн буучийн винтов, ПКМ, ПКТ, ДШК, ЯкБ пулемётуудын сум худалдан авна. Эдгээр сумыг Украйнд нийлүүлэх гэж байгаа тухай яриа гарч байсан юм.
Сэтгэгдэл (0)
Сэтгэгдэл бичигдээгүй байна